01 Август, 2021
0.0206

Д-р. Милена Стевановиќ за Фактор: Дури 10 отсто од новозаразените завршуваат во болница, и модуларната на Инфективна може целосно да се наполни само за неколку дена

Објавено во: Македонија 22 Октомври, 2020

Во текот на вчерашниот ден во модуларната болница на Клиниката за инфективни болести беа примени 15 пациенти, а синоќа во разговор за Фактор, директорката на оваа клиника, д-р. Милена Стевановиќ потврди дека се примни уште најмалку 5 до 6 пациенти. Вели дека со вакво темпо на се повисок број на новозаразени, постои можност и модуларната болница, која е практично резервен капацитет на Инфективна, за неколку дена целосно да се исполни.

-Се рабира дека со ваков број на новозаразени, а последнава бројка е 641, дека ќе има и многу хоспитализации. Возилата на Брза помош кои ги гледаат и ги слушаат граѓаните, во најголем процент носат пациенти на Клиниката за инфективни болести. Искрено се надевав и верував дека нема да дојдеме до степен кога ќе имаме наплив на пациенти на кои исклучиво им треба болничко лекување, но дефинитивно вирусот зема се поголем замав и ситуацијата воопшто не ни е сјајна. Ако се преполни модуларната болница, во која доаѓаат пациенти од цела Македонија, ќе мора да се активираат и останатите болници, но поентата е во тоа што кога има толкав број пациенти, медицинскиот кадар, како и до сега ќе го дава максимумот но нема да биде исто. Тогаш ќе се нема време толку време да се посвети на еден пациент, во смисла да се пресоблечат по неколку пати, да им се сменат пелени, да ги нахранат пополека. Квалитетот секако ќе биде помал. Тоа е маката всушност и затоа сиве изминати месеци апелиравме на почитување на мерките, за да нема огромен наплив на пациенти. А, верувајте, дури 10 проценти од новозаразените завршуваат во болниците, истакнува во нашиот разговор, д-р. Стевановиќ.

Во однос на високата смртност на пациентите од Ковид-19, директорката на Клиниката за инфективни болести посочува дека најголемиот број се со најмалку 2-до 3 коморбидитети, но нагласува дека и во однос на многу други болести, Македонија е високо на врвот по смртност.

-Во Македонија 90 отсто од населението живее екстремно нездрав начин на живот, имаме низок степен на хигиена, свесноста за здравствената култура тотално не постои. Колку често луѓето прават контроли, систематски прегледи? Исхраната е крајно лоша, а сето тоа си го зема својот данок. Еден од главните фактори за смртност, независно од возраста на пациентите, е дебелината. На Инфективната клиника е хоспитализирано 12-годишно дете со прекумерна тежина и е во навистина сериозна состојба. Сакам да речам дека, луѓето со прекумерна тежина не може да имаат здраво срце, не може да имаат здрави крвни садови, и во тој случај организмот не може да се бори со многу болести, па еве сега и со корона вирусот, посочува д-р. Стевановиќ.

Истовремено, таа вели дека ниту еден пациент кој побарал помош во Клиниката за инфективни болести не е вратен туку така. Истакнува дека на сите им се направени прегледи и само доколку нема потреба не ги хоспитализираат.

-Не можам да зборувам за другите болнички установи, но за Инфективна гарантирам дека секој пациент е прегледан, па врз основа на тоа некои од нив ги хоспитализираме, а на некои, на кои на пример сатурацијата им е во ред, им велиме дека треба да се лекуваат во домашни услови. Но ние сме во постојан контакт со нив, и секојдневно ги контролираме, појаснува д-р. Стевановиќ.

Според неа, не очекува навистина тежок период, а и самата епидемиолошка слика во земјава го покажува тоа. Со вчерашните 641 нови регистрирани со Ковид-19, веќе имаме повеќе од 6.000 активни случаи. Апелира на поголема свестност кај граѓаните за почитување на препораките, зошто, како што вели, во мометов носењето маска, дезинфекција на рацете и држење растојание се единствените кои можат да ја намалат трансмисијата на корона вирусот.

Анита Буховски

Можеби ќе ве интересира

ДВАЈЦА МАЛОЛЕТНИЦИ „ОПЕРИРАЛЕ“ ВО КОЧАНИ - опљачкале дури 10 куќи

ДВАЈЦА МАЛОЛЕТНИЦИ „ОПЕРИРАЛЕ“ ВО КОЧАНИ - опљачкале дури 10 куќи

РАСПРАВИЈА МЕЃУ ПОВЕЌЕМИНА ЗАВРШИЛА ЛОШО - 27 годишник прободен во викендица

РАСПРАВИЈА МЕЃУ ПОВЕЌЕМИНА ЗАВРШИЛА ЛОШО - 27 годишник прободен во викендица

ЗАЕВ: Ќе ја почитуваме одлуката на Уставен, но ако падне Законот за Бехтел Енка, ќе чекаме и до пет години за автопатиштата

ЗАЕВ: Ќе ја почитуваме одлуката на Уставен, но ако падне Законот за Бехтел Енка, ќе чекаме и до пет години за автопатиштата

Физички нападната вработена во кумановскиот ургентен центар - 26 годишната девојка посочила едно лице

Физички нападната вработена во кумановскиот ургентен центар - 26 годишната девојка посочила едно лице

ЏАМБАСКИ СЕ СИЛИ ПО РЕЗОЛУЦИЈАТА - без разлика на црвените линии, нема да дозволеле дискусија за нивната историја

ЏАМБАСКИ СЕ СИЛИ ПО РЕЗОЛУЦИЈАТА - без разлика на црвените линии, нема да дозволеле дискусија за нивната историја

НАЈЧЕВСКА ЖЕСТОКО ГО НАПАДНА МИНИСТЕРОТ МАРИЧИЌ - кога лажел, кога се залагал за широка демократија, или сега?

НАЈЧЕВСКА ЖЕСТОКО ГО НАПАДНА МИНИСТЕРОТ МАРИЧИЌ - кога лажел, кога се залагал за широка демократија, или сега?

ПОЖАРНИКАРИ ГИ ВАДЕЛЕ ОД СМАЧКАНОТО КОМБЕ - двајца Македонци повредени кај Лесковац

ПОЖАРНИКАРИ ГИ ВАДЕЛЕ ОД СМАЧКАНОТО КОМБЕ - двајца Македонци повредени кај Лесковац

ЖИТЕЛИ ОД СВЕТИНИКОЛСКОТО СЕЛО ОРЕЛ БЕЗ ВОДА НА 40 СТЕПЕНИ - прашуваат каде е локалната власт да им помогне

ЖИТЕЛИ ОД СВЕТИНИКОЛСКОТО СЕЛО ОРЕЛ БЕЗ ВОДА НА 40 СТЕПЕНИ - прашуваат каде е локалната власт да им помогне

НОВ РАСТ НА БРОЈОТ НА ЗАРАЗЕНИ, ДЕНЕСКА СТИГНАВМЕ ДО 81 СЛУЧАЈ - за среќа нема починати

НОВ РАСТ НА БРОЈОТ НА ЗАРАЗЕНИ, ДЕНЕСКА СТИГНАВМЕ ДО 81 СЛУЧАЈ - за среќа нема починати