ДА СЕ УКИНЕ МЕРКАТА ОСЛОБОДУВАЊЕ НА БРЕМЕНИТЕ ЖЕНИ ОД РАБОТА: Што друго препорача Комисијата за заразни болести

Добивај вести на Viber

Комисијата за зарасни болести на редовната прес-конференција ја соопшти актуелната епидемиолошка состојба во Македонија, а портпаролот, д-р Злате Мехмедовиќ посочи и кои мерки ги препорачале до министерот Беким Сали, мерки кои потоа ќе се најдат и пред владиниот Кризен шатб.

Првата препорачана мерка од страна на членовите на Комисијата за заразни болести се однесува на укинување на задолжителното прикажување негативен ПЦР тест, како и сертификат за прележаност и вакцинација при излез од земјата.

-Сепак ова не значи дека граѓаните не треба да поседуваат вакви документи доколку патуваат во земја каде што се уште важат овие мерки. Оваа мерка би важела само при излез од нашата земја, нема да го бараат нашите службени лица, истакна д-р Мехмедовиќ.

Втората мерка се однесува на бремените жени, односно Комисијата, како што рече тој, препорачала да се укине ослободувањето од работа за бремените жени.

-Согласно релевантни институции и светските искуства се препорачува жените кои планираат бременост и бремените жени да се вакцинираат, вакцината е препорачана за нив, на тој начин си го заштитуваат здравјето. Препораките во светот се дека може да се вакцинираат и дека е безбедна вакцинацијата за бремените жени и дека е препорачлива и не само што е безбедна кога станува збор за работниот процес, туку и генерално со движењето низ популацијата. Препораките што ги кажавме се однесуваат на унапредување на здравјето на бремените жени. Доколку сакаат навистина да го заштитат своето здравје и здравјето на своите деца тогаш најлогичното објаснување е дека треба да бидат вакцинирани, нагласи д-р Мехмедовиќ.

А. Б.