Дачиќ и шест српски министри одбиле да го почитуваат законот

Добивај вести на Viber

Српскиот премиер во заминување Ивица Дачиќ и уште 6 министри од неговата Влада отворено одбиле да достават податоци за своите предизборни активности до Агенцијата за борба против корупција, за ова тело да провери дали во текот на последната изборна кампања за вонредните парламентарни избори ја користеле сопствената позиција и државните ресурси за зиборна промоција. Иако во српскиот Закон за избори е наведено дека сите највисоки владини функционери имаат ваква обврска, седуммина, меѓу кои и Дачиќ одбиле да го направат тоа со образложение дека таква обврска немаат. Агенцијата им испратила предупредување дека се должни да ја исполнат законската обврска и им дала рок од 15 дена да поднесат извештај, но тие сепак тоа не го направиле. Освен Дачиќ, законот не го почитувале и досегашниот министер за правда и државна управа Никола Селаковиќ, министерката за енергетика Зорана Михајловиќ, министерот за градежништво и урбанизам Велимир Илиќ, министерот за природни ресурси, рударство и простроно планирање Милан Бачевиќ, министерот за земјоделство Драган Гламочиќ, како и министерот за регионален развој и локална самоуправа Игор Мировиќ.