30 Јули, 2021
0.0210

Дали ова лето ќе јадеме поскапо овошје?

Објавено во: Економија, Агробизнис 09 Април, 2021

Деновиве температурите ќе се спуштат под нулата, со што дел од овошните дрвца може да измрзнат, а со тоа се зголемуваат шансите летово да плаќаме поскапо за овошјето.

Агрометеорологот Ангелко Ангелески од УХМР вели дека  можно е ова лето да се зголемат цените на овошјето, ако дојде до уништување на родот од мразеви, но и не мора да значи. Тој објаснува дека ниски температури под нулата ќе има во одредени краеви во земјава, како што е Берово. Таму дел од сливите сега имаат вегетација, а дел од сортите цутат подоцна.  Смета дека студеното време најмногу ќе ги погоди кајсиите и праските. Во Повардарието овошните дрвца веќе цутат. Тие можат да издржат температури од -1 или -1.2 степени.

„Можно е да има штети кај овошките, но тие ќе бидат минимални, нема да биде тоа катастрофално. Ќе има намалување на родот. Но, зависи и од експозицијата на дрвцата. Оние кои се на северната страна ќе биде оштетени, а оние на јужната страна или во централниот дел на овоштарникот ќе бидат позаштитетни.  И од снегот кој падна на 22 и 23 март очекуваме дека ќе има штети. Сепак ова лето ќе имаме да јадеме и кајсии, и праски, и цреши, и овошјето може да биде поскапо, но и не мора да значи, затоа што ако на едно дрво имаме 20 ситни кајсии и 14 крупни кајсии, тоа е квантитативно исто“, рече Ангелески.

Според негова проценка, нема да настрадаат јаболката во Ресен и Преспа. Истото го потврдуваат и сопствениците на овоштарници во овој регион. 

„Јаболката во овој крај уште не цутат, и очекуваме тоа да се случи за десетина дена. Дали ќе имаме штети не знаеме, останува да видиме какво ќе биде времето“, вели Ерол Крутовски, овоштар од Ресен. 

Овоштарите можат да преземат мерки за да ги спасат дрвцата од измрзнување, со наводнување или со затоплување.

„Со задимување може да се заштитат дрвцата така што температурата ќе се зголеми за еден степен. Со вештачко наводнување исто така може да се помогне, со вештачки дожд, може да се заштитат овошките дрвца, но тоа ретко кој го практикува. Тоа може да се направи во двор, не зборувам за овоштарници“, вели Ангелески.

Ланската година на 2-3 април исто така имавме мразеви. Студен бран во април ја зафати Македонија, но и Балканот.

Сања Атанасовска

foto freepik

Можеби ќе ве интересира

Централен регистар пријавил штета од „Таргет груп“ во ОЈО, износот заради истрагата засега е тајна!

Централен регистар пријавил штета од „Таргет груп“ во ОЈО, износот заради истрагата засега е тајна!

Колку милијарди евра депозити чува „Комерцијална банка“?

Колку милијарди евра депозити чува „Комерцијална банка“?

Генерали Инвестментс: Акциите на технологијата и е-трговијата и работата од дома остануваат сегменти со натпросечен раст

Генерали Инвестментс: Акциите на технологијата и е-трговијата и работата од дома остануваат сегменти со натпросечен раст

Биткоинот се тргува за повеќе од 40.000 долари

Биткоинот се тргува за повеќе од 40.000 долари

НАМЕСТО 15, И СТЕЧАЈЦИ СО 14 ГОДИНИ СТАЖ ЌЕ ДОБИВААТ НАДОМЕСТ ОД ДРЖАВАТА - што носи новиот закон

НАМЕСТО 15, И СТЕЧАЈЦИ СО 14 ГОДИНИ СТАЖ ЌЕ ДОБИВААТ НАДОМЕСТ ОД ДРЖАВАТА - што носи новиот закон

ПОЕВТИНО ПАРНО ЗА СКОПЈАНИ ЗА ЧЕТИРИ ОТСТО - РКЕ со одлука за заштита на потрошувачите

ПОЕВТИНО ПАРНО ЗА СКОПЈАНИ ЗА ЧЕТИРИ ОТСТО - РКЕ со одлука за заштита на потрошувачите

ОТВОРЕНИ 121 НОВО РАБОТНО МЕСТО ВО „АЛКАЛОИД“ ВО ПРВОТО ПОЛУГОДИЕ - профитот на компанијата порасна за 14 отсто

ОТВОРЕНИ 121 НОВО РАБОТНО МЕСТО ВО „АЛКАЛОИД“ ВО ПРВОТО ПОЛУГОДИЕ - профитот на компанијата порасна за 14 отсто

Блиску сме до просечна плата од 500 евра, тврди Шахпаска

Блиску сме до просечна плата од 500 евра, тврди Шахпаска

Со ребалансот на буџетот ќе има повеќе пари за здравството

Со ребалансот на буџетот ќе има повеќе пари за здравството