Дали севернокорејскиот лидер ќе ја нападне САД?
Објавено во: Свет 15 Август, 2017
Пјонгјанг ќе го следи делувањето на САД и ќе донесе одлука дали ќе ги лансираат проектилите.
Лидерот Ким Јонг Ун вели дека ќе го набљудува делувањето на САД одредено време пред да донесе одлука дали ќе нареди лансирање на проектилите. Како што рече Јонг - Ун „ќе го следиме глупавото однесување на Јенките, па ќе делуваме“.
Севернокорејската војска го претставила планот за ракетен напад на американската пацифичка територија Гуам.
Пјонгјанг му порачува на Вашингтон - базата во Гуам не е веќе безбедна од Белата куќа, а брзиот одговор е „Ја поминавте црвената линија - подгответе се за бес и оган“.
Ракетите ке бидат лансирани ако „Јенките истраат во своето опасно и неодговорно делување на Корејскиот полуостров и соседството како и дека САД треба разумно да размислуваат и исправно да пресудуваат“.
Оваа изјава многумина ја сметаат како почеток на смирување на кризата.
Минатата недела Северна Кореја соопшти дека ги финализирала плановите за истрелување четири ракети во водите во близина на островот Гуам каде што се сместени американски воени бази.
Притоа беше пренесено дека се чекало само на наредбата на Ким Џонг Ун.
Тој во понеделникот пратил инспекција на армијата, ги разгледал долгорочните планови и разговарал со армиските офицери, стои во соопштението на севернокорејската државна новинска агенција.
Притоа тој како што се додава, наредил армијата постојано да биде подготвена да изеведе ракетен удар, но оти ќе ги следел уште извесно време потезите на Соединетите Држави пред да донесе одлука за лансирање на ракетите.
До ова дојде откако американскиот секретар за одбрана Џеф Матис предупреди дека таквиот потег би можело „многу бргу“ да ескалира во војна.