Дали стакло во природа може да предизвика пожар?
Објавено во: Македонија 05 Август, 2021
Многу се мали шансите стакло во природа да предизвика пожар, вели Ефтим Митров, раководител на пиротехничари во Дирекцијата за заштита и спасување.
Тој објаснува дека е потребно да се поклопат повеќе фактори, за да дојде до запалување на стаклото во природа. Постои минимален ризик од обично стаклено шише фрлено во шума да избие пожар. Дополнително, не секој вид на стакло има иста реакција во допир со сонце и може да води кон појава на пожар.
„Потребно е да дојде до зумирање, да се фокусира светлината на едно место и да бидат исполнети многу фактори за да се случи стаклото на отворен простор да се запали. Истото се случува и со скршено огледало. Во 99 отсто од случаите пожарите се предизвикани од човечки фактор. Правен е тест на обука, со запалена цигара поставена на сува трева и доколку нема ветер тешко ќе дојде до пожар. Ваков обид е направен во контролирани услови. Пожарите многу брзо се шират во борова шума, при што шишарките пукаат, и се распрскуваат на оддалеченост од 20 метри“, вели Митров.
Додава дека пожарите на отворен постор брзо се шират и тешко се контролираат во услови на топлотен бран. Луѓето кои се добро упатени на темава, и држат обука за пожарникари, велат дека во шумите каде нема движење на луѓето, нема ниту фрлени стакла, а дури и да има, под сенка и под дебелите крошни мала е веројатноста дека ќе има опасност.
„Мисловна именка е некој да смета дека во шумите пожар настанал од парче стакло. За да се запали стакло, треба да се поклопат многу услови и тоа се случува многу ретко. Треба да има екстремно високи температури константно, цел ден и да го опфаќаат стаклото. Кај нас 99.9 отсто од пожарите се од човечки фактор. Пожари се јавуваат таму каде што се движат луѓето“, вели Ѓорѓи Илиев, инспектор во ДЗС Валандово.
Во Македонија изгореа огромни површини со шума поради пожарите кои се шират на истокот од земјата. Во Општината Старо Нагоричане 59 годишна жена загина во пожарите. Во земјава е прогласена кризна состојба за период од 30 дена поради огнената стихија.
Сања Атанасовска
foto unsplash.com
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
Можеби ќе ве интересира
ПРИВРЕМЕНОТО ГОРИВО НЕ ГИ СМИРУВА СКОПЈАНИ – ПРОТЕСТ ЌЕ ИМА! Граѓаните го чекаат вистинското решение
„ДО ПРОШКА НЕ Е ДОЈДЕНО, ШТЕКЛИ Е НА СПИСОКОТ ЗА ЛИКВИДАЦИЈА“: Шокантна изјава на ексначалникот Љубомир Ѓорчески
„НЕ МОЖЕ НИКОЈ НИШТО ДА НЕ МОЖЕ ПРОТИВ ГРАДОНАЧАЛНИК“: Георгиевски за Арсовска
ФАКТОР НА ДЕНОТ: Владата ќе позајми нафта, од утре превозот во Скопје се нормализира
ЗА СТАБИЛИЗИРАЊЕ НА СОСТОЈБИТЕ ВО ГРАДОТ: Советот предлага продолжување на дијалогот со ЗЕЛС и други јавни претпријатија
МИЦЕВСКИ ЗА СКАНДАЛОТ СО АПАСИЕВ: Очаен обид на таканаречениот „универзитетски професор“ да ја задоволи својата жед за медиумско внимание
ШУТАРОВ: Да го наведеме износот од 2,5 милиони литри коишто би биле доволни за ЈСП да јa извршува функцијата до крајот на годината
СТОЈАНОВСКИ: Нафтата од државните резерви сега се доставува до базите на ЈСП
ПО ИНЦИДЕНТОТ ВО СОБРАНИЕТО: Апасиев има порака до ВМРО-ДПМНЕ
