Дали Запорожје ќе се обедини со Русија?
Објавено во: Свет 08 Август, 2022
Во Запорожје во Украина ќе има референдум за спојување со Русија за што е потпишан указ.
Шефот на областа Запорожје Евгениј Балицки го потпиша указот. Белицки го потпиша документот за време на форумот на движењето „Заедно со Русија“ што се одржа во Мелитопол, Запорожје, а на форумот учествуваа повеќе од 700 делегати од регионот.
Одлуката за одржување референдум за присоединување на Запорожјеската област кон Русија е донесена едногласно.
Резолуцијата за одржување референдум ја прочита членот на главниот совет на воено – цивилната администрација на регионот Запорожје, Владимир Рогов. Претходно, тој нагласи оти жителите на регионот Запорожје и Русија се еден народ.
Русија цели кон отцепување на територии од Украина. Но, украинските власти се надеваат дека ќе ги вратат окупираните територии. Во Украина на 24 февруари започна војната. Со години, жители на Украина добивале руски државјанства.