Дали знаете каде се чуваат најважните растенија во случај на глобална катастрофа?

Добивај вести на Viber

Арктичкиот архипелаг Свалбард е група на острови во Арктичкиот Океан, на половина пат меѓу Норвешка и на Северниот Пол.

Островот Спитсберген од овој леден архипелаг е изберен како место каде се наоѓа најважното богатство на планетата Земја.

Во случај на глобална или регионална катастрофа во него се чува непроценливо богатство, семето за 840.000 видови на растенија, нешто повеќе од половина од видовите кои постојат денес на планетата.

Веќе се случуваше семето на поедини билни растенија да биде изгубено, Банката на националното семе на Филипините е оштетна од поплавите, а подоцна ја уништил пожар, додека семето на банката на Авганистан и Ирак е целосно изгубено.

Спитсберген е избран како најголемо и единствен постојано населен остров во архипелагот како административен центар на Свалбард и појдовна точка за Арктичка авантура. Местото било изградено во 2008 година и се наоѓа 130 метри во планината, што гарантира дека примероци семе ќе останат замрзнати, дури и во случај на прекин на електричната енергија.

Норвешката Влада има инвестирано 45.000.000 евра во изградба и чувањето на семиња е бесплатно. Трошоците се на товар на Норвешка и на Светската организација за глобалната разновидност на семе. Перу пред неколку години испрати 1.500 примероци на различни видови на компири во арктичкиот круг, со цел да се зачува ова растение од изумирање.