Данела Арсовска постави в.д. директор на МКЦ
Објавено во: Македонија 21 Јануари, 2022
Данела Арсовска, градоначалничката на Град Скопје, го разреши директорот на јавната устанува Младински културен центар, Русе Арсов, и на негово место за вршител на должност го постави Ванчо Богоев, кој наедно ќе раководи и со подружницата Кино Милениум.
Арсов си поднесе оставка поради здравствени причини на крајот од минатата година.
Името на Арсов беше поврзано со организацијата на новогодишниот дочек на 2020 на Плоштад Македонија и настапот на Дино Мерлин. Државната комисија за спречување на корупција отвори случај за спорниот договор помеѓу Град Скопје и МКЦ за организацијата на настанот.
Богоев доаѓа на местото на Арсов од редовите на самата јавна установа.
Директорот на МКЦ се избира на конкурс што го распишува Град Скопје
А.К.