Деца од Гостивар и Кичево починаа од компликации од грип
Објавено во: Македонија 12 Јануари, 2017
Две мали деца починаа од компликации од грип на Клиниката за детски болести во Скопје.
Станува збор за деца на возраст од 3 и 4 години од Кичево и Гостивар. Кај нив вирусот предизвикал воспаление на мозокот. Тие на Детската клиника се примени пред Нова година во тешка состојба. Едното дете го донеле од болницата св. Еразмо од Охрид каде било на лекување, а другото со возило на Брза помош е донесено од болницата во Гостивар.
Децата на Детската клиника починале пред неколку дена. Информацијата за трагичниот епилог денеска ја објави Институтот за јавно здравје. Се чекало и официјално лабораториски да се потврди дека грипот е причина за смртта.
Случаите на грип во Македонија се намалуваат. За една недела евидентирани се околу 8000 новозаболени, што е за 1.500 помалку од претходната седмица.
Можеби ќе ве интересира
Петгодишно дете пронајденo со полиција во паркот во Сарај
Пронајдена човечка коска од гробишта каj Клинички центар
Од МВР нема одговор за „вооружената група во Чаир и Бутел“
Каевски и Мојсовски сметаат дека политички се обвинети од ОЈО
Нема да се знае кога ќе биде доведен Палевски, поради безбедносни причини
Деспотовски: Ново партиско раководство што ќе подаде рака кон членството
Изет Меџити кандидат за министер за внатрешни работи: Ќе видиме наредните денови
