Дел од патиштата проодни, а дел завеани

Добивај вести на Viber

Неколку дена откако имавме врнежи од снег, дел од патиштата во земјава се проодни, а дел претежно во руралните средини се завеани. 

Сите магистрални и регионални патни правци во Источна Македонија се проодни, информира првиот човек на регионалната подружница на „Македонија пат“, Кире Коцев.

Постојано се чисти и патот до Плачковица и ски центарот Пониква, каде е зголемена фрекфенцијата на возила.

„Тој патен правец е еден од нај одржуваните и најчист пат, иако нон-стоп врне, сепак е прооден за сообраќај“- вели Коцев

Гостиварското село Куново е отсечено од градот затоа што на патот кој води дотаму има 50 сантиметри снег. Жителите од ова село раскажуваат дека се обратиле до сите институции надлежни за расчистување на патиштата, но засега резултати нема. Селото има дваесетина жители. 

Кружниот тек околу Мавровското Езеро е исчистен и прооден во еден правец. Се очекува машина за целосно расчистување на патниот правец околу езерото во двата правца. За Лазарополе и за Галичник засега не е планирано чистење на патот од наносите од снег, информираат Центарот за управување со кризи(ЦУК). 

Отсечени се и дел од селата од Скопска Црна Гора. Исчистен е патот кон селата Герман, Гошинце и Алешевце во кумановско-липковскиот регион. 

Поплаки има и за градовите каде тротоарите не се исчистени. 

Голем број граѓани деновиве се повредија паѓајќи на снегот и мразот.