29 Март, 2024
0.0279

ДЕНЕСКА ПРОТЕКУВА ГАС НИЗ ГРЧКО БУГАРСКИОТ ИНТЕРКОНЕКТОР, претседателите на балканските земји на отворањето

Објавено во: Економија 01 Октомври, 2022

Добивај вести на Viber

Денеска осамнува нова ера за енергетската карта на Југоисточна Европа, треба да започне протокот на природен гас од Грција кон Бугарија и оттаму (подоцна) кон остатокот од Балканот до Украина, преку грчко-бугарски интерконектор.

На свечена церемонија во Софија првите количества гас, кои доаѓаат од југ, ќе ги „поздрават“ лидерите на Балканот како и претседателката на Комисијата, Урсула фон дер Лајен, пишуваат медиумите во соседството.

Бугарскиот претседател Румен Радев го покани премиерот на Грција Киријакос Мицотакис, кој ќе биде придружуван од министерот за енергетика Костас Скрекас, како и претседателите на Србија и Македонија, Александар Вучиќ и Стево Пентаровски, премиерот на Романија, Николае Чиука и претседателот на Азербејџан, Илхам Алиев.

Како што наближува тешка енергетска зима, Бугарија ги зајакнува своите „резерви“ со азербејџански природен гас што ќе пристигнува од Грција. Гасоводот ИГБ во должина од 182 километри започнува од Комотини и влегува во бугарската мрежа во градот Стара Загора. Во првата фаза ќе транспортира 3 милијарди квадратни метри годишно, но вкупниот преносен капацитет ќе биде 5 милијарди кубни метри.

Нејзиното комерцијално работење започнува со проток на гас од Азербејџан, кој ќе „падне“ во ИГБ, на неговата раскрсница со минувачкиот ТАП во Комотини, за да го продолжи „патувањето“ кон Бугарија и оттаму, преку други меѓусебно поврзувачки цевководи, во Србија, Македонија, Романија, Молдавија и Украина - подоцна, можеби и повеќе.

Минатиот мај, во Александрополис, лидерите на балкански земји се сретнаа на инаугурацијата на изградбата на ФСРУ, а таму беше објавена заложбата на градежната група дека проектот ќе биде завршен до крајот на следната година.

Балканските земји досега беа најмногу зависни од рускиот природен гас и нафта, а Бугарија 90 отсто од своите потреби ги задоволуваше од Русија. Всушност, Москва поради ставот на Софија за украинското прашање веќе го прекина снабдувањето со природен гас. Со почетокот на работата на ИГБ, пак, енергетскиот пејзаж се менува и рускиот монопол се „крши“, при што прв чекор е работењето на грчко-бугарската оска. Уште еден гасовод што уште поцврсто ќе ја „врзе“ Грција за европските енергетски мрежи, договорено е да се гради на оската Солун - Скопје, за транспорт на гас до Македонија, а оттаму посевер кон Србија, Косово итн.

Како што соопшти Кабинетот на шефот на државата, предвидено е претседателот Пендаровски за време на престојот во Софија да има и билатерални средби со Радев и со Фон дер Лајен.

Во рамки на посетата на Бугарија, како што е најавено, претседателот Пендаровски на автопатот „Струма“ ќе положи цвеќе на местото на автобуската несреќа, во која на 23 ноември 2021 година, загинаа 45 македонски граѓани.

Гасниот интерконектор Грција – Бугарија (проект ИГБ) ја поврзува мрежата за пренос на природен гас на Грција во близина на градот Комотини со бугарската преносна мрежа во близина на градот Стара Загора. Имплементацијата на проектот има за цел да обезбеди диверзификација, не само на рутите, туку и на изворите на природен гас за Бугарија и поширокиот регион.

Овој интерконектор за земјава има и дополнително значење, бидејќи ќе ни овозможи пристап и до складиштето за природен гас во Чилен во Бугарија, преку кој може да набавуваме ЛНГ (Liquified Natural Gas) од терминалот во грачкиот град Александрополис, а во текот на летото кога е поевтин и да го складираме во Бугарија, со можност да го користиме на зима кога е најпотребен.

Диверсификацијата на изворите со природен гас, треба да обезбеди сигурност во снабдувањето со природен гас за земјава на среден и долг рок, како и одлична можност за зголемување на перформансите на домашната економија, која може да биде конкурентна со земјите од регионот.

Можеби ќе ве интересира

БОГАТАШИТЕ И НИВНИТЕ ТЕЛЕФОНИ - ANDROID ИЛИ IPHONE: Овие видови мобилни ги користат Гејтс, Закерберг, Бафет и Безос

БОГАТАШИТЕ И НИВНИТЕ ТЕЛЕФОНИ - ANDROID ИЛИ IPHONE: Овие видови мобилни ги користат Гејтс, Закерберг, Бафет и Безос

ПОЗНАТИОТ ГОТВАЧ ЏЕЈМИ ОЛИВЕР ОТВОРИ РЕСТОРАН ВО НАШЕТО СОСЕДСТВО - еве каде точно се наоѓа и какви се цените

ПОЗНАТИОТ ГОТВАЧ ЏЕЈМИ ОЛИВЕР ОТВОРИ РЕСТОРАН ВО НАШЕТО СОСЕДСТВО - еве каде точно се наоѓа и какви се цените

ПЛАТЕНИ СЕ 45 ИЛЈАДИ ЕВРА ЗА 27 АКЦИИ НА „РЕПЛЕК“ - кој е инвеститорот во фармацевтската компанија

ПЛАТЕНИ СЕ 45 ИЛЈАДИ ЕВРА ЗА 27 АКЦИИ НА „РЕПЛЕК“ - кој е инвеститорот во фармацевтската компанија

Од 1 април зголемена минимална плата во Грција

Од 1 април зголемена минимална плата во Грција

ДУИ со експанзија во угостителството

ДУИ со експанзија во угостителството

ПРОДАЖБАТА НА ВИНО ДОНЕСЕ ПРИХОДИ ОД 950 ИЛЈАДИ ЕВРА, НО ОВА НЕ БЕА ЛЕСНИ ДЕНОВИ ЗА „ПОПОВА КУЛА“ - скапа струја и шишиња, недостиг од работници...

ПРОДАЖБАТА НА ВИНО ДОНЕСЕ ПРИХОДИ ОД 950 ИЛЈАДИ ЕВРА, НО ОВА НЕ БЕА ЛЕСНИ ДЕНОВИ ЗА „ПОПОВА КУЛА“ - скапа струја и шишиња, недостиг од работници...

КИНЕЗИТЕ ДОБИВААТ УШТЕ ДВЕ ГОДИНИ РОК ЗА ИЗГРАДБА НА АВТОПАТОТ КОН ОХРИД: измените на законот пред пратениците, кој ќе го гласа?

КИНЕЗИТЕ ДОБИВААТ УШТЕ ДВЕ ГОДИНИ РОК ЗА ИЗГРАДБА НА АВТОПАТОТ КОН ОХРИД: измените на законот пред пратениците, кој ќе го гласа?

Во што „Стопанска банка Скопје“ вложи 40 милиони евра? Се спрема кредитна офанзива!

Во што „Стопанска банка Скопје“ вложи 40 милиони евра? Се спрема кредитна офанзива!

БРИТАНЦИТЕ ПЛАТИЛЕ ОДЛИЧНО ЗА НИВНИТЕ СВЕЧЕНИ ОДЕЖДИ, АМА „ЕДИНСТВО“ СЕПАК ОТИДЕ ВО МИНУС - еве што е маката на струмичкото претпријатие

БРИТАНЦИТЕ ПЛАТИЛЕ ОДЛИЧНО ЗА НИВНИТЕ СВЕЧЕНИ ОДЕЖДИ, АМА „ЕДИНСТВО“ СЕПАК ОТИДЕ ВО МИНУС - еве што е маката на струмичкото претпријатие