ДЕСЕТИНА БУГАРИ ОДДАДОА ПОЧИТ НА МАРА БУНЕВА: Ќе бараат да се постави нејзин споменик до Камениот мост

Добивај вести на Viber

„Притисокот врз Бугарите во Македонија е огромен, а сепак гледате десетици Бугари од Македонија излегоа да ѝ оддадат чест на Мара Бунева. Не се гасне тоа што не можете да го изгаснете“, напиша Виктор Стојанов, претседателот на фондацијата Македонија, на социјалните мрежи.

Десетината присутни носеа транспарент „Македонија на Македонците“, испишан на бугарски јазик.

„Бугарите од Северна Македонија ќе поднесат барање до Општина Скопје за поставување споменик на Мара Бунева во градот Скопје - веднаш до Камениот мост. Фондацијата Македонија ќе им помогне. Очекувајте повеќе информации за ова во следните недели“, пишуваат попладнево на Фејсбук од Фондацијата Македонија. 

По аферата со затворањето и судењето на македонските студенти во Скопје од страна на српските власти, во 1927 година, Мара Бунева во знак на одмазда на 13 јануари1928 година извршила атентат врз српскиот државен обвинител Велимир Прелиќ, на кејот на реката Вардар, кај камениот мост во Скопје. Веднаш по атентатот, Бунева самата се застрелала за да не падне во рацете на српските окупаторски власти. На повредите им подлегнала на 14 јануари.

фото Фејсбук/Фондација Македонија