Дестани демантираше дека ќе биде кандидат за премиер, Заев смета дека ДУИ нема да објави ниту еден предлог
Објавено во: Агробизнис 12 Јуни, 2020
Иако изминатите денови се шпекулираше дека бизнисменот Лазим Дестани ќе биде номиниран од ДУИ за прв „албански премиер“ на Македонија, од неговиот кабинет демантираат и тврдат дека се работи за новинарска шпекулација.
„Не, не е точно, Лазим Дестани е посветен на деловното поле и тој нема намера да влезе во политиката“, се вели во демантот на сопственикот на компанијата „Еколог“ и најбогат Албанец од Македонија.
Синоќа претседателот на СДСМ, Зоран Заев, во своето гостување во емисијата „Клик Плус“ на ТВ 21 рече дека не само што Дестани не сака да биде премиер на Македонија, туку и дека ДУИ до крајот на кампањата односно до самото гласање на предвремените парламентарни избори нема да објави ниту едно име како кандидат за претседател на Владата.
- Господинот Дестани веќе демантираше, а ќе видите дека ДУИ нема да објави ниту едно име. Излегуваат во јавноста со таква кампања, а не го кажуваат кое е името. Граѓаните треба тоа да го знаат, да знаат кој ќе има поддршка од 61 пратеник. Тоа ќе има контра-ефект во нивната кампања, затоа што е потценување на интелигенцијата на народот, рече Заев.
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
