Детските права, во свет без предрасуди

Добивај вести на Viber

Под мотото „ДЕТСКИТЕ ПРАВА, ВО СВЕТ БЕЗ ПРЕДРАСУДИ“, Совет за превенција од малолетничка деликвенција (СППМД) – Кавадарци, Македонскиот Центар за Граѓанско Образование (МЦГО) – Скопје, Хуманитарно здружение Мајка – Куманово, и Центар за едукација и развој – Теарце во партнерство со Коалицијата на младински организации СЕГА, а со поддршка на Детската фондација Песталоци, од 03 - 07 Октомври 2016 ќе реализираат повеќе локални акции создадени од  четириесет деца од различни националности од Прилеп, Тетово - Теарце, Струмица, Куманово и Кавадарци во рамките на Неделата на детето. 

Во рамките на Неделата на детето во повеќе градови низ Македонија ќе се реазлизираат повеќе активности, а главните настани ќе се одбележат:

• Струмица  06.10.2016 - Детски Права (Градски плоштад) – Датум:, од 13:00 до 15:00 часот

·  Теарце 05.10.2016 -  Изложба на цртежи  (во центарот на градот) 13:00 – 16:00 часот (Градски плоштад)

·  Прилеп  07.10.2016 - Главен настан (Градски плоштад) 12:00 - 15:00 часот

·  Куманово 07.10.2016 - Настан „Детски права во свет без предрасуди“ (Градски плоштад) 12:00 часот

·  Кавадраци  07.10.2016г – главен настан (Градски плоштад)во 10ч

Неделата на детето го прославува правото на децата да уживаат во своето детство, исто така претставува можност децата да ги демонстрираат своите таленти, вештини и способности. Во 1954 година Генералното Собрание на Обединетите Нации го одреди Универзалниот Ден на детето како ден за промовирање на партнерство и разбирање помеѓу децата во светот. Оттогаш 20-ти ноември се развил во ден на кој се фокусирало вниманието на потребите на децата и нивните фамилии. Во 1985, е одлучено да се посвети цела недела по повод правата и потребите на детето.

Одбележувањето на Неделата на детето е во рамките на проектот „Промоција на детски права и интеркултурна комуникација“ кој има за цел младите луѓе да се здобијат и стекнат со вештини и знаења, како и да научат за принципите на меѓукултурниот дијалог и комуникација, потоа да ја промовираат интеркултурната комуникација, различните вредности и толеранцијата помеѓу децата и младите од различи култури, како и да работат на промоција на детските права.Заедничкото живеење, активностите и интеркултурната размена кои се дел од активностите на овој проект имаат за цел да обезбедат квалитетно интеркултурно искуство на младите.

Зоран Илиески – Извршен директор на Коалиција на младински организации СЕГА: “Детските права треба да се почитуваат како на сите останати граѓани. Децата заслужуваат многу повеќе и заслужуваат да живеат во свет без предрасуди. Преку активностите за време на Светската недела на детето веруваме ќе се зголеми потребата да се почитуваат правата на децата и истовремено да се зголемат“.

Коалиција на младински организации СЕГА го реализирапроектот „Промоција на детски права и интеркултурна комуникација” во партнерство со Совет за превенција од малолетничка деликвенција (СППМД) - Кавадарци, Македонскиот Центар за Граѓанско Образование (МЦГО) - Скопје, Хуманитарно здружение Мајка - Куманово, и Центар за едукација и развој - Теарце, а со поддршка на Детската Фондација Песталоци.

Коалицијата на младински организации СЕГА е формирана во 2004 година со цел да придонесе кон процесот на креирање и имплементација на Националната стратегија за млади на Р. Македонија и да помогне во исполнување на потребите на младите. Коалицијата ја сочинуваат 21 членкa.