Девојче од Македонија ќе ги добие очилата за слепи на OrCam
Објавено во: Македонија 05 Октомври, 2019
Мал е бројот на иновации и производи кои може да им помогнат на
слепите и на луѓето со оштетен вид. Фактор имаше уникатна можност да ја
проследи презентацијата на OrCam во нивното седиште во Тел Авив. Секое дејствие
на очилата се повеќе изгледаше како да е од сцена на научно-фантастичен филм,
кога технологијата е впрегната да ја унапреди човечката несовршеност и
ранливост.
Нашата помисла веднаш беше колку ли луѓе имаат потреба од офталмолошки помагала, особено лицата кои немаат опција ниту за корективна операција. Во Македонија сигурно бројката изнесува околу 10.000.
Таа мисија за помош на лицата со оштетен или целосно изгубен вид ја има иновативната компанија OrCam од Израел основана од Зив Авирам.
OrCam ги развива првите очила за слепи и за лица со оштетен вид. Очилата MyEye кои ја добија својата втора верзија не се помагало за вид, ниту пак го враќаат видот, но затоа преку вештачката интелигенција помагаат на лицата со оштетен вид полесно да функционираат во секојдневниот живот. Очилата може да прочитаат текст, да препознаат лица на луѓе, да ви кажат колку пари имате во раката, колку е часот, да добиете информации што има пред вас, а располагаат со батерија за речиси еденодневна употреба и доволно меморија за сите податоци кои се складираат локално за да не се наруши приватноста.
OrCam се очила кои имаат 13 мегапикселна камера која прави слики и скенови од околината на корисникот и потоа му дава соодветни информации. Смарт уредот работи на гласовни команди вклучувајќи на англиски јазик, српски, бугарски и на уште триесетина светски јазици. Наскоро се планира и очилата MyEye да слушаат команди и на македонски јазик. Тоа што најмногу ни предизвика внимание е информацијата дека вакви очила ќе добие девојче со оштетен вид од Битола како прв македонски корисник чиј живот може да биде значително олеснат.
Ги запрашавме претставниците на OrCam нешто повеќе околу нивниот бизнис модел и според Кафи Фишер директорот за маркетинг тоа зависи од земја во земја. OrCam некаде склучува јавно-приватно партнерство, односно очилата ги продава преку Министерствата за здравство или социјална помош, организациите на слепи и фондации и организации кои се хуманитарни. Секако постои и директна продажба на MyEye очилата кои чинат 2500 долари. Според Кафи секоја земја има различен пристап па затоа и цената за очилата е сосема прифатлива со оглед на тоа каква надеж носи за корисникот.
Х.С:Можеби ќе ве интересира
ПАЦИЕНТ СО КОНГО КРИМСКА ХЕМОРАГИЧНА ТРЕСКА ХОСПИТАЛИЗИРАН НА ИНФЕКТИВНА: Тој е изолиран и моментално е во стабилна состојба
ХАОС НА ТАБАНОВЦЕ И БОГОРОДИЦА: Србите влегуваат, Македонците излегуваат од земјава, еве каква е состојбата
ВАКА ИЗГЛЕДА РИМСКИОТ АКВАДУКТ ВО СКОПЈЕ: „Требаше да се реставрира, но нема ништо од тоа“, вели Грчева
ВИДЕО: ДВЕ СТРАШНИ СООБРАЌАЈКИ НОЌЕСКА ВО СКОПЈЕ: Едната во Центар, другата во Чаир
ОДГОВОРИТЕ ОД ПАРТИИТЕ ГИ ЧЕКААТ ДО ВТОРИ МАЈ, ПОТОА ЌЕ ГИ ОБЈАВАТ ЗА ГРАЃАНИТЕ САМИ ДА ОДЛУЧАТ ЗА КОГО ЌЕ ГЛАСААТ: Шанса за Центар со 18 прашања до партиите
КОЈА Е ГОРДАНА СИЛЈАНОВСКА ДАВКОВА КОЈА ВО ПРВИОТ КРУГ ОСВОИ НАД 350 ИЛЈАДИ ГЛАСОВИ? Втор пат ја трча претседателската трка, првиот пат изгуби од Пендаровски
ТИЕ ШТО МОЖАТ ЗА ПРАЗНИЦИТЕ ЌЕ СИ ИЗВАДАТ МИНИ ОДМОР: Први мај паѓа во среда, а велигденските неработни денови почнуваат од петок
ФАКТОР НА ДЕНОТ: Ковачевски демантира дека се спрема бојкот за претседателските избори
ПЕТРОВСКА ВЕЛИ ДЕКА ВМРО-ДПМНЕ ГО ЗАМЕНИЛА ИМЕТО МАКЕДОНИЈА ВО СТАТУТОТ СО „ДРЖАВАТА“: Стојаноска сe закани дека ќе ги фрли листовите
