Димитриев до Рама: Не потпалувајте националистички оган
Објавено во: Македонија 02 Март, 2017
Македонскиот премиер Емил Димитриев му возврати на неговиот колега од Република Албанија посочувајќи му дека во вакви моменти не е паметно да дава некоректни изјави.
Почитуван г. Рама, Постојаното мешање во внатрешните работи на Република Македонија прави голема штета на добрососедските односи и е спротивно на европските вредности, му порача македонскиот премиер Емил Димитриев на Еди Рама.
- Верувајте, тоа не помага никому. Не и’ помага на Албанија чии граѓани очекуваат од Вас да се зафатите со слабостите во владеењето и економијата. Не и’ помага на ЕУ зашто и ним им е јасно дека барате само изговор за кавги надвор за да не се говори за она што сте или не сте го сториле дома. Не и’ помага ниту на Македонија чии граѓани сакаат суверена и независна земја во сегашните граници. Тие граѓани ја плаќаат цената за Вашите наводни амбиции да ја редефинирате Македонија, наместо да ја реформирате Албанија во постојните граници. Не помага ни на партиите во Македонија кон кои се однесувате покровителски и несоодветно потценувачки, напиша Димитриев.
Убеден сум дека и без Вашето мешање ќе изнајдеме решенија за нашите предизвици, порача Димитриев.
- Конечно, многу е некоректно да потпалувате националистички оган. Албанскиот јазик е нашироко застапен во Македонија. Албанскиот јазик, како и турскиот, српскиот, влашкиот, босанскиот и ромскиот, заедно со македонскиот јазик е дел од културата и богатството на Македонија. Ангажираме големи ресурси за промоција на јазикот и културата на нашите заедници. Добро ќе биде да не’ следите во тој правец. Во Албанија, не толку одамна, морало да се затвораат прозорците ако по дома се говорел мајчиниот јазик, за да не слушне некој. Ние тоа искуство сме го немале никогаш. Македонските граѓани, без разлика на нивната етничка и верска припадност, сами пребродиле многу кризи во историјата, ќе ја надминат и оваа. Наша заедничка цел е и понатаму да продолжиме со градењето силно граѓанско општество кое ќе биде дел од евроатлантското семејство, напиша Димитриев.
Можеби ќе ве интересира
„НЕМА ВРЕМЕ ЗА ЧЕКАЊЕ, ОД ВАШИНГТОН И ЊУЈОРК ДИРЕКТНО ВО СКОПСКИ ПЕТРОВЕЦ“! Мицкоски се врати и веднаш се фати за работа
САКАЛЕ ДА ИЗВРШАТ ТЕРОРИСТИЧКИ АКТ НА ЦИВИЛИ И РЕГРУТИРАЛЕ НОВИ ЧЛЕНОВИ НА ИСИС - откриени уште четири лица осомничени за терористичка организација
ПОЧНА ПРВОТО ОД ЧЕТИРИТЕ СУДЕЊА ЗА МЕРКО: Тој е на црна листа на САД, а има повеќе од 9 обвиненија против него
ВЕРУВАЈТЕ ВО НАС, НЕМА ДА ДОЗВОЛИМЕ ДА ВЕ ЗАСРАМИМЕ: Мицкоски со моќна порака до граѓаните
ДЕЛ ОД СРПСКИТЕ ТУРИСТИ ВО ГРЦИЈА ЌЕ ОДАТ ПРЕКУ БУГАРИЈА: Дојранчани се плашат дека ќе ги изгубат гостите
СТУДЕНТСКИ ОБРОК ЗА 160 ДЕНАРИ ИЛИ МЕРКАТА ДА ОПФАТИ ПОГОЛЕМ БРОЈ СТУДЕНТИ? Што ќе одлучат идните академски граѓани
„ВИЕ ВО ЌОРКА, ГОЛЕМЦИВЕ НА СЛОБОДА“: Адвокатот Митревски жестоко за 27 април, вели имал другари од случајот на кои им велел да не одат
НАЈДЕ ВРЕМЕ И ДА ПРОШЕТА: Еве каде премиерот го искористи слободното време во САД
Томовски: Зградите на ФИНКИ и Факултетот за физичка култура ќе се доградат, но не во барок стил
