ДИРЕКТОРОТ НА БИТОЛСКАТА БОЛНИЦА СО ДЕТАЛИ ЗА ПОЧИНАТОТО ДЕВОЈЧЕ: Починало за само четири часа на детското одделение
Објавено во: Македонија 23 Март, 2023
Случајот со
починатото шестгодишно девојче вои Клиничката болница во Битола ја потресе македонската
јавност. Во изјава за Фактор, директорот, д-р Александар Обедниковски изнесе
детали за неговата здравствена состојба.
-Девојчето беше примено вчера во 10 часот изутрина на Одделението за педијатрија. Во однос на здравствената состојба можам да кажам дека е донесено деходрирано, со отоци на очите и со нагони за повераќање. Тука поврати само еднаш, а според тоа што го кажа мајката, дома повраќало два пати, но неколку дена претходно било болно. Почина точно во 14.00 часот, по четири часа откако беше примено. Други детали не можам да соопштам бидејќи случајот веќе се истражува, рече д-р Обедниковски за Фактор.
Според семејството, на девојчето му е дадена погрешна терапија, но директорот вели дека причините за брзата смрт ќе се знаат откако ќе заврши обдукцијата.
-Телото е предадено на обдукција. Постапката обично трае две недели, а резултатите први ќе ги добие обвинителството, истакна директорот на Клиничка болница Битола.
А. Б.