ДИРЕКТОРОТ НА ДИТ РУФАТ ХУСЕИНИ ЗА ФАКТОР: Беса Транс и денеска под клуч, инспекторите не можат да ја прегледаат документацијата

Добивај вести на Viber

Првиот човек на Државниот инспекторат за транспорт, Руфат Хусеини во изјава за Фактор вели дека сите овие денови по големата трагедија во Бугарија, при што се запали автобус на компанијата Беста Транс и загинаа 45 наши сограѓани е затворена за инспекциските службеници и не може да направат надзор на документацијата.

-Во седиштето на Беса Транс, во просториите таму нема никој. Се обидуваме и телефонски, но и на телефоните не се јавува никој. И вчера и денеска испративме инспектори со цел да се изврши надзор, но канцелариите се заклучени. Нема ниту полиција пред вратите на компанијата. Токму заради тоа ќе се обидеме со писмено известување кое ќе го испратиме повторно на таа адреса, односно на адресата на компанијата која е заведена во Централниот регистар. Доколку и овој наш обид биде неуспешен, тогаш ќе мора да се преземат мерки со другите институции, односно со МВР, потенцира директорот Хусеини.

Дуректорот на ДИТ нагласува дека нема опасност да се измени или да се оштети каква било документација која е во нивна надлежност, односно станува збор за трајнба документација која трае повеќе години. Заклучно со 24. ноември добиле податоци за бројот на вработените од Агенцијата за вработување, а во нивна надлежност се и одредени лиценци, како и број на автобуси со кои располага компанијата.

-Нашиот инспекциски надзор се однесува на лиценцатаза слободен меѓународен превоз на патници, број на возила и изводи од лиценци за тие возил,број на пријавени возачи во компанијата, како и надзор за неколку сертификати што треба да ги поседува компанијата. Генерално, ова е тоа што треба да го прегледаме, нагласи Хусеини.

Инаку, уште истиот ден на несреќата, ресорното министерство, веднаш на компанијата Беса Транс и ја одзеде лиценцата бидејќи токму за тој автобус намала извод од лиценцата за вршење меѓународен слободен превоз за патници.

А.Б.