До 15 ноември лозарите ќе можат да аплицираат за субвенции
Објавено во: Агробизнис 03 Ноември, 2012
- Во тек е поднесување на апликациите за субвенционирање. Целата постапка оди според однапред утврдената динамика. Се очекува околу 4 илјади лозари од кавадаречко и росоманско да побараат субвенционирање по оваа дополнителна мерка донесена од страна на Владата на Република Македонија. Со оглед на тоа што на територијата на двете општини има околу 6 илјади лозари, останатите околу 2 илјади производители на грозје најверојатно својот род го имаат извезено преку разни откупувачи на странските пазари, објаснува Шалев.
За да аплицираат за вако вид на субвенција, лозаропроизводителите треба да достават во подрачната единица лична карта и откупна белешка за продадено грозје на која има печат.