До каде е Законот за продажба на земјоделско земјиште и какви промени има?
Објавено во: Агробизнис 02 Септември, 2021 18:43
Законот за продажба на земјоделско земјиште во септември влегува во собраниска процедура.
Завршната верзија е готова. Оние што поседуваат поголеми парцели, Владата ќе одреди до кој процент можат да се купуваат од самите концесионери.
„Беше побарано да се тргне делот на стратешки инвестиции и тој дел целосно го нема во Законот. Мислам дека веќе имаме Закон што самите земјоделци го бараа и е согласно нивните потреби“, вели министерот за земјоделство Аријанит Хоџа.
Хоџа додаде и дека новиот Закон предвидува десет години да не се пренамени земјиштето за цели на општината. Вели дека прва постапка за земјиштата според процедурите и во согласност со Законот ќе биде понудата на тие што веќе имаат договори за закуп, а потоа и за слободните земјоделски земјишта.
За овој закон претходно имаше реакции.
