Додека трае пандемијата колкави се шансите да најдеме ангажман и да работиме од дома?
Објавено во: Економија, Корона Вирус 01 Февруари, 2021
Додека трае пандемијата на коронавирусот, а луѓето треба да избегнуваат социјални контакти, во земјава нема голем избор на работни места за кои обврските комотно можат да се обавуваат од дома.
Граѓаните од дома можат да пополнуваат онлајн анкети, но тоа е само повремен ангажман кој носи минимални приходи или награда за одвоеното време. Лингвистите онлајн можат да држат часови за изучување на странски јазик. Оние кои се креативни, можат да изработуваат накит и истиот да го продаваат на интернет. Работата како фриленсер во овие услови на здравствена криза е идеална.
На Запад сликата е поинаква, изборот е поголем, а спектарот на занимања широк, велат од агенциите за посредување при вработување. Работата од дома е пофлексибилна, но истовремено придонесува работникот да заштеди на патни трошоци, а компаниите на кирии, трошоци за загревање и слично.
„Кај нас од дома можат да работат луѓето во ИТ секторот, преведувачите, но во производство на пример и во други сектори потребно е физичко присуство за да се завршат работните обврски. Досега кај нас не се јавил кандидат кој исклучиво бара работа од дома. По завршување на пандемијата, кај нас луѓето ќе продолжат да си работат со физичко присуство“, велат од скопска агенција за посредување при вработување.
Од агенцијата Пелла од Охрид која посредува за вработување во Германија, објаснуваат дека во оваа европска земја има многу можности за работа од дома, нешто што кај нас го нема.
„Таму има работни места каде 100 отсто се работи онлајн. Кај нас или одиш на работа и работиш или си без работа и седиш дома“, додаваат оттаму.
Професорите по странски јазици велат дека пандемијата наметна да се работи онлајн, и мора да се навикнат.
„Кога нема избор, мора да се прилагодиме на условите. Учениците следат настава, и основци, и средношколци, но не го совладуваат материјалот и бараат алтернатива, односно дополнителни часови. Ова ни е наметнато, а интерес од луѓето за онлајн часови има“, вели Кристина Ангеловска, професорка.
Овој тренд на работа од дома зема замав во Европа. Во 2020 година бројот на вработени во Германија што работат од дома е зголемен од 12 на 25 отсто за време на кризата предизвикана од коронавирусот. Моделот на работа од дома ќе биде поприфатен во многу земји по завршување на пандемијата. Британските работодавачи планираат помали канцеларии и работа од дома. Скоро 44 проценти од работодавците планираат да ги намалат канцелариите, а 49 проценти сакаат да ги распоредат работниците кои се враќаат на работа да не работат во исто време.
Сања Атанасовска
foto freepik
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
Можеби ќе ве интересира
ВОЗАЧИ, ЕВЕ ШТО ТРЕБА ДА ЗНАЕТЕ КОГА УТРЕ ЌЕ ОДИТЕ НА БЕНЗИНСКА - Регулаторна со нови цени на горивата
Еве ги најголемите економски патриоти! Кои се најголемите македонски извозници меѓу котираните компании?
МИЦКОСКИ КАЖА КОГА КОНЕЧНО ЌЕ СЕ ДЕФИНИРААТ УСЛОВИТЕ ЗА УНГАРСКИОТ КРЕДИТ: Еве што најави
ВО СРЕДА ЌЕ ИМА ЈАВНА БЕРЗАНСКА АУКЦИЈА ЗА 9,83 ОТСТО - кој ќе искешира 7,34 милиони евра за акции на „Македонијатурист“
ШТО Е ТОА ШТО ГИ РАЗЛИКУВА „ТЕМУ“, „АЛИЕКСПРЕС“ И „ШЕЈН“: Голема трка за новиот кинески император
БАНКРОТ НА ЕВРОПСКИОТ ГИГАНТ ЗА БАТЕРТИИ: Директорот поднесе оставка откако се тргна надолу
Должник на МЕПСО од Косово пред суспензија од пазарот за електрична енергија
ОВА Е НАЈОМРАЗЕНИОТ ЧОВЕК НА ВОЛСТРИТ: Трамп го номинираше за министер за трговија
Соработката со „Бехтел ЕНКА“ продолжува со презентации во Прилеп и во Битола за тендерските процеси и за зајакнување на учеството во локалниот синџир на снабдување
