Додека унгарската влада пере раце, ОЈО го стави Груевски на нишан

Добивај вести на Viber

Будимпешта нема никаква врска со излегувањето на Никола Груевски од неговата земја, сооопшти денеска унгарската влада која наведе дека Груевски се обидел да побара азил во унгарското претсавништво надвор од Македонија.

Без прецизен одговор се истакна и шефот на кабинетот на премиерот Орбан кој не сакал да каже во која земја Груевски се обидел да побара земја, ниту пак на кој начин дошол до канцеларијата за имиграција и азил во Будимпешта каде всушност ги поднел документите и каде со него е направен разговор.

И додека унгарската влада ги пере рацете, за бегството на Груевски истрага почнува и Основното обвинителство.

Како што соопштија од оваа институција, предметот е оформен по допрен глас.

Скопското обвинителство се сомнева дека службени лица ја злоупотребиле својата положба и така му помогнале на бегалецот и осуден легално да пребега од државата/

Основното јавно обвинителство за гонење на организиран криминал и корупција следејќи ги информациите во врска со бегството на осудениот Н.Г., како и написите на медиумите и интересот на јавноста, оформи предмет  по допрен глас.

Канцеларијата на унгарскиот премиер Виктор Орбан потврди дека Груевски поднел барање за азил во унгарската канцеларија з амиграција, барајќи бегалски статус/

Груевски во вторникот на Фејсбук објави дека е во Будимпешта и дека побарал политички азил бидејќи во последно време добивал смртни закани.

Тој напиша дека секогаш ќе и остане верен на Македонија и никогаш нема да се откаже од каузата.