ДОЈДОА НА 10 МИНУТИ И ЗАМИНАА: Пратениците на ВМРО ДПМНЕ ја напуштија седницата, Груевски не дојде

Добивај вести на Viber

Опозицијата ја напушти седницата на која се расправа за одземање на имунитетот на пратеникот Никола Груевски кој не се појави .

Околу десетина минути присуство по обраќањето на Трајко Вељановски пратениците си заминаа . 

Во излагањето пратеникот Трајко ја обвини власта дека преку судството врши притисок и политички прогон.

Меѓудругото тој кажа дека се бара одземање на мандат на пратеник а за процесот немало никакви докази дека осудедниот , во случајот , се здобил со материјална корист.

Собраниската Комисија за деловнички и мандатно-имунитетни прашања претпладнево ја почна расправата за барањето од судот за одземање на пратеничкиот мандат на Никола Груевски заради издржување на двегодишната затворска казна за предметот „Тенк“ на Специјалното јавно обвинителство.

Груевски, се уште не е пристигнат бидејќи е на судење за предметот „Титаник“. Се очекува тој да дојде во Собранието по 13 часот, откако судијата во „Титаник“ Осман Шабани го прифати неговото и барањето на пратеникот Илија Димовски денешното рочиште да трае пократко за да можат да присуствуваат на собраниските комисии.

Барањето за одземање на мандатот на Груевски е според членот 59 од Деловникот на Собранието на РМ. Со него се предвидува за пратеникот осуден за кривично или друго казниво дело што го прави недостоен за вршење на пратеничката функција, известување до претседателот на Собранието да достави судот кој ја изрекол казната.