Долгорочниот кредитен рејтинг на Групацијата Триглав достигна повисоко „A-“ ниво

Добивај вести на Viber

Кредитната рејтинг агенција „Standard & Poor’s“ (S&P), со промена на критериумот за процена на кредитните рејтинзи на осигурителните компании,одново го провери кредитниот рејтинг на Групацијата Триглав. На основа на оваа ревизија, долгорочниот кредитен рејтинг на Групацијата, кој се однесува на Заваровалница Триглав и Позаваровалница Триглав Ре, се подигна за едно ниво, од „БББ“ на „A-“, со стабилна среднорочна прогноза. Зголемувањето на кредитниот рејтинг значи дека S&P смета оти Групацијата Триглав е способна да ги одржува адекватноста на капиталот и профитабилноста на високо ниво. Дополнително, Групацијата Триглав, во согласност со оцената на S&P, се одликува со рационално обликување на осигурително-техничките резервации во осигурувањето на имот и раст на чистата задржана добивка. Кредитниот рејтинг „A-“ е одраз на прифатливото ниво на деловниот ризик на Групацијата, поддржан и од водечката позиција на словенечкиот пазар на осигурување и моќниот финансиски профил на Групацијата. При последното намалување на кредитниот рејтинг на Групацијата Триглав во февруари оваа година, како резултат на падот на кредитниот рејтинг на Република Словенија за еден степен од „A“ на „A-“, агенцијата S&P предвидуваше дека Групацијата Триглав ќе биде во можност повторно да го зголеми рејтингот доколку во 2013 година дополнително го зајакне нивото на капитал и одржи стабилни деловни резултати.