ДОСИЕ Немцов: опозиционерот имал докази за вмешаноста на Русија во војната во Украина!?

Добивај вести на Viber

Борис Немцов, беше руски научник, државник и либерален политичар. Од 2000 година е отворен критичар на Владимир Путин. Кој и зошто го уби Немцов? Тој беше застрелан завчера вечерта во центарот на Москва, на само 200 метри од Црвентиот плоштад. Дел од руските медиумите јавија дека неколку неидентификувани напаѓачи излегле од автомобил и повеќе пати го застрелале во грбот, по што избегале во непознат правец. Според други информации во Немцов пукал маж од бел автомобил. Ноќта по убиството на Немцов во неговиот стан беа конфискувани сите негови документи, списи и електрониката.      Кој е Борис Немцов Борис Немцов е роден на 9 октомври 1959 година во Сочи. Во неговата биографија стои, тој е руски научник, државник и либерален политичар. Тој имаше успешна политичка кариера во 90 - тите години на минатиот век во времето на претседателот Борис Елцин, а од 2000 година беше остар критичар на рускиот претседател Владимир Путин. Студии и академска кариера Од 1976 - 1981, студирал физика на Државниот универзитет во Горки, каде во 1985 година, докторира во областа на физиката и математиката. На свои 25 години ја брани својата дисертација. До 1990 - та година, Немцов работел како научен соработник на државниот универзитет во Горки во Институт за истражување. Немцов беше автор на повеќе од 60 академски публикации поврзани со Термодинамика и акустика. Политичка кариера Во 1986 година, во пресрет на катастрофата во Чернобил, Немцов организираше протест во неговиот роден град, со што беше спречена изградба на нова нуклеарна централа во регионот. Во 1989 година, Немцов се кандидирал за Советскиот конгрес. Тој истрча со платформа за реформи, што за тоа време беше прилично радикално, особено промовирањето на идеи како повеќепартиска демократија и приватното претпријатие. На овие избори доживеал неуспех, но повторно ќе се кандидира за Врховниот Совет на руската република во областа Горки (подоцна преименувана во Нижни Новгород) во 1990. Овојпат Немцов порази 12 други кандидати на изборите, од кои повеќето беа членови на Комунистичката партија на Советскиот Сојуз. Во Собранието се приклучува на "Коалицијата за реформи" и "центар-лево" политички групи. Елцин ипресиониран од работата на Немцов Во рускиот парламент, Немцов бил дел од Законодавно-правната комисија, работел на земјоделски реформи и либерализација на надворешната трговија. Кога се сретнал со Борис Елцин, тогашниот руски претседател бил импресиониран од работата на младиот Немцов. Во 1991 година, за време на жестоките напади на власта, Немцов бил страстен поддржувач на претседателот Елцин и застанал со него во текот на целиот судир. По настаните од октомври 1991 година, лојалниот Немцов беше награден со позицијата - претседателски претставник, гувернер во неговиот роден регион Нижни Новгород. Тој беше повторно избран на таа позиција во декември 1995 година. Неговиот мандат беше обележан со спроведување на голема реформа на пазарот, па го заработи прекарот "Лабораторија за реформи" за Нижни Новгород. Неговите реформи резултираа со значителен економски раст во регионот. Реформите на Немцов беа пофалени од страна на поранешниот британски премиер Маргарет Тачер, која ја посети областа Нижни Новгород во 1993 година. Во декември 1993 година Немцов беше избран за член на Советот на Федерацијата, горниот дом на рускиот парламент. За време на предизборната кампања тој беше поддржан од страна на "Русија Избор" и Јаблоко, кои потоа беа главен либерални партии во земјата. Заменик премиер на Руската федерација Во март 1997 година Немцов беше избран за прв заменик - премиер на Руската Федерација, со посебна одговорност за реформа на енергетскиот сектор. Тој беше широко популарен во јавноста. Во летото 1997 година, анкетите покажаа дека Немцов има над 50% поддршка како потенцијален претседателски кандидат за изборите во 2000 година. Неговата политичка кариера, сепак, доживеа удар во август 1998 година по катастрофите на Рускиот пазар на акции и понатамошната економска криза. Како дел од економскиот тим, Немцов беше принуден да поднесе оставка на својата позиција, заменик – премиер. Во 1999 година, тој е ко-основач на Унијата на десничарски сили Во август 1999 година Немцов станува еден од ко-основачите на Унијата на десничарски сили, нова Либерално-демократската коалиција, која ја доби скоро 6 милиони гласови, или 8,6%, на парламентарните избори во декември 1999 година. Немцов беше избран за член на Државната Думата, Долниот дом на парламентот, а подоцна станува нејзин заменик-претседател (февруари 2000 година). Во мај 2000 година, по оставката на Сергеј Киријенко, Немцов беше избран за лидер на Сојузот на десничарски сили и неговата парламентарна група во државната Дума. Од 2002 година жесток противник на Путин Во 2002 година тој учествуваше во преговорите со киднаперите за време на московскиот театар заложничка криза. Помеѓу 2000 - та и 2003 - та година Немцов беше во тешка политичка позиција. Додека тој жестоко се противи на политиката на претседателот Владимир Путин, според него се работи за тркалање назад демократијата и граѓанските слободи во Русија. На парламентарните избори во декември 2003 година, Сојузот на десничарски сили, чија листа беше предводена од страна на Немцов доби само 2,4 милиони гласови, или 4% од вкупниот износ, со што паѓа кратко на прагот од 5% потребни за да влезат во парламентот. Во јануари 2004 година, Немцов поднесува оставка од раководството на партијата, прифаќајќи ја неговата одговорност за изборниот пораз. Во 2004 - Директор на Neftyanoi банка Во јануари 2004 година, Немцов пишува една статија со наслов "Апел до путиновото мнозинство", предупредувајќи за опасностите од претстојната диктатура на Путин. Подоцна, тој е ко – основач и на "Комисија за 2008 година", чадор група на руската опозиција во која која беа и Гари Каспаров, Владимир Буковски и други истакнати либерали. Во февруари 2004 година, Немцов беше назначен за директор на Neftyanoi банка. Во декември 2005 година, сепак, обвинителството објави дека банката ќе биде предмет на истрага по наводите за перење пари и измама. Немцов потоа се повлече од позициите во компанијата наведувајќи дека тој сака да се минимизираат политичките последици кои можат да произлезат поради неговата континуираното учество во руската политика. Од 2012 Немцов е ко-претседател на Републиканската партија на Русија -. Народна Партија на слободата. Пишува неколку публикации ја критикува администрацијата на Путин. Остар критичар на Путиновата политика 55-годишниот Борис Немцов важеше за остар критичар на власта и политиките на претседателот Владимир Путин, поради што беше еден од организаторите на протестен марш кој беше закажан за денес. Во интервју за руско радио, само неколку часа пред да биде убиен, објаснува дека целта на протестот е искажување револт против руското учество во конфликтот во Укрина и изолацијата на Русија. Неговите соработници велат дека Немцов планирал да објави докази за руската замешаност во украинската војна и според нив нема сомнеж дека станува збор за убиство со политички мотиви. Во интервју за рускиот веб-портал „Собеседник“, на 10-ти септември, Немцов изрази загриженост дека Путин би можел да го убие. „Да, малку се плашам. Не толку колку мајка ми, но сепак... Иако не се плашам толку многу од него. Да бев многу исплашен, немаше да бидам лидер на опозициска партија, немаше да бидам вклучен во она што го правам“, изјави Борис Немцов за „Собеседник“ на 10-ти февруари годинава. Граѓаните вчера му оддадоа почит, со положување цвеќе на местото на злосторството. Денешниот протестен марш кој го организираше самиот Немцов, ќе биде во негова чест, објавија неговите сопартијци и поддржувачи, кои очекуваат да присуствуваат десетици илјади луѓе. Путин упати сочуство Рускиот претседател Владимир Путин упати денеска сочувство на Дина Ејдман, мајката на опозицискиот лидер Борис Немцов. Тој наведе дека Немцов оставил трага во историјата на Русија, во политиката и во јавниот живот, работејќи на важни позиции во тежок период на транзиција на земјата и оти секогаш отворено и искрено ги застапувал своите ставови и ги бранел своите гледишта. „Примете го моето најдлабоко сочувство за ненадоместливата загуба. Искрено ја делам тагата со која се соочувате, наведе Путин во телеграмата“, објави Канцеларијата на рускиот претседател. Осуда за убиството испратија повеќе светски лидери. Американскиот претседател Барак Обама, повика да се спроведе брза, неутрална и независна истрага, а слични пораки испратија и германската канцеларка Ангела Меркел и францускиот претседател Франсоа Оланд. Шокираност изразија и од Европската унија и од руските власти побараа убијците да ги изведат пред лицето на правдата. Порошенко: Немцов е убиен оти планирал да ги открие доказите војната во Украина Украинскиот претседател Петро Порошенко изјави дека рускиот политичар Борис Немцов бил убиен поради тоа што планирал да ги открие доказите за вмешаноста на Рузија во војната во Украина. Порошенко, оддаде чест на Немцов, кој беше убиен завчера вечерта и изјави дека жестокиот критичар на рускиот претседател Владимир Путин, пред неколку седмици му рекол дека има докази за улогата на Русија во кризата во Украина и дека има намера истите да ги објави, пренесе ,,Ројтерс” . Во тек е истрагата за убиството Во Москва се истражуваат сите можни мотиви за ова злосторство - верзиите поврзани со неговата политичка активност, како и личните непријателства. Според руските медиуми, последните часови од својот живот, Немцов ги минал со 23-годишниот украински супер модел, Ана Дурицка, со која тој живеел заедно. Истражните органи сметаат дека убиецот бил професионалец и дека бил запознаен со движењето на Немцов. Во тек е испрашувањето на очевидците на убиството на рускиот опозициски лидер, а истрагата се води во повеќе правци, објавено било на официјалната веб страна на Руското истражно биро. Родителите на рускиот супер модел против нејзината врска со Немцов Родителите на 23-годишната Ана Дурицкаја биле против врската со Борис Немцов. Политичарот бил постар 30 години од неа, пишуваа руските медиуми. Таткото и мајката на Ана биле категорично против оваа врска и секој пат се обиделе да ја убедат својата ќерка да не живее со Немцов. Сепак Ана не се откажувала од врската. Многу блиска пријателка на Дурицкаја, Јулија, пак раскажува детали околу односите. “Тие се запознаа пред три години и меѓу нив веднаш пламнаа чувства. Речиси веднаш почнаа да живеат заедно. Според различни околности тие живееја две години меѓу Москва и Киев “, раскажува Јулија. Во главниот град на Украина двајцата живееле во домот на Ана, а во Русија во станот на Немцов, кој беше во центарот на градот. Откако двајца заживеаa заедно, 55-годишниот Борис Немцов на младата девојка и купувал скапи подароци, облека и накит. Р.Ф