29 Март, 2024
0.0276

Досие Никола Димитров: Крајот на вечниот функционер

Објавено во: Македонија 14 Јануари, 2022

Добивај вести на Viber

Никола Димитров имал државни функции во речиси сите македонски влади во досегашната историја вклучувајќи ги премиерите Црвенковски, Георгиевски, Груевски и Заев. Единствено новиот мандатар Ковачевски немал доверба во овој вечен функционер.

Никола Димитров повеќе нема да биде дел од македонската Влада, ниту ќе извршува дипломатски функции бидејќи како што самиот кажа одбил да биде амбасадор најверојатно во САД.

Договорот по секоја цена

Димитров ќе остане запаметен како министерот за надворешни работи кој го потпиша Преспанскиот договор. Од иницијаторите на договорот со кој се стави крај на спорот за името повеќе никој не е на власт, иако Заев, Ципрас и Венизелос го прогласија договорот за историски.

Токму компромисот со Грција ги обезружува Димитров да говори дека Османи сакал договор со Бугарија по секоја цена. А што направи Димитров во истата фотелја додека преговараше со Грците?

Прифати договор со кој Македонија го менува државното име за севкупна употреба, го брише целиот институционален идентитет каде не смее да се користи придавката македонски, Македонците стануваат граѓани на Северна, дел од античкиот период на историјата целосно се брише, и ред други последици. Притоа нема никакви механизми кои ќе гарантираат членство во Европската Унија каде повторно сме заглавени.

Камбекот на „амстердамецот"

Да потсетиме дека Димитров беше дел од т.н. „Аместердамска тројка” формирана од поранешни владини функционери во времето на Никола Груевски кои во 2015 година почнаа да го критикуваат неговото работење.

Критиките за владеењето на режимот на Груевски ги немаше додека истите ги вршеа функциите во неговата влада. Димитров беше амбасадор во Холандија. Претходно беше претставник на Македонија пред меѓународниот суд во Хаг. Македонија ја победи Грција во спорот во кој докажа дека јужниот сосед ја прекршил Времената спогодба со ветото во НАТО и ЕУ.

Димитров со „тројката" наводно требаше да иницира реформи во ВМРО-ДПМНЕ и да предводи граѓански движење. На крајот се појави на протестот организиран од СДСМ и шарените револуционери како и приврзаници на Заев. Исто така беше подржувач и на протестите за СЈО.

Министер за надворешни работи стана во 2017 година во Владата на Заев во коалиција со Ахмети што беше големо изненадување за многумина. По предвремените избори во 2020 година беше „делегиран” во Секретаријатот за европски прашања, а местото на прв дипломат му го отстапи на Бујар Османи, притоа задржувајќи и вицепремиерска позиција во Владата.

Срамота е луѓе

Како политичар кој долго време бил амбасадор и на врвот на македонската дипломатија, излезот од власта го направи прилично недипломатски.

На прес конференција на неколку дена на истек на мандатот, Димитров изнесе наводни шокантни тврдење. По секоја цена ќе се нашол договор со Бугарија. Тој требало да биде премиер со меѓународна поддршка, ама некој не сакал да остане во земјата, наводно пречел во многу планови.

Сите критики кои Домотров ги изрази можеше многу порано да ги стави на увид на јавноста, да протестира против нив ако смета дека се штетни, па дури и да си поднесе оставка од морални причини.

За него често се прогнозира дека може да биде и кандидат за претседател на државата како највисока државна функција, но таква шанса никогаш не доби со оглед на популарноста на Стево Пендаровски. Тие двајца имаат слична кариера траекторија од кабинетот на поранешниот претседател Борис Трајковски до многу функции, политички сојуз со Заев и борба со власта на Груевски.

Димитров ќе остане и запаметен по испадот на еден предизборен митинг одговарајќи на нападите од опозицијата за компромисот со Грција, но и внатрешните проблеми во земјата како реформи во правосудството. Посочи дека е срамота тие да се жалат за правдата кога биле подготвени да ја нападнат сопствената држава за да избегаат од одговорноста.

Х.С.

Можеби ќе ве интересира

„ДАЛИ Е ВИСТИНА ДЕКА СЕ ШТЕДИ НА ИНФУЗИЈА ЗА ДЕЦА И СЕ БАРА МИТО“ - лидерот на Левица со прашање за велешката болница

„ДАЛИ Е ВИСТИНА ДЕКА СЕ ШТЕДИ НА ИНФУЗИЈА ЗА ДЕЦА И СЕ БАРА МИТО“ - лидерот на Левица со прашање за велешката болница

ПРАШИНА И ПЕСОК ОД САХАРА - топлотен бран над Балканот и пошироко, температурите и УВ индексот повисоки од просекот

ПРАШИНА И ПЕСОК ОД САХАРА - топлотен бран над Балканот и пошироко, температурите и УВ индексот повисоки од просекот

ОВА СЕ ЦЕЛОСНИТЕ ПРАТЕНИЧКИ ЛИСТИ НА ВМРО-ДПМНЕ - еве кој ќе се натпреварува за собраниско столче во следниот парламентарен состав

ОВА СЕ ЦЕЛОСНИТЕ ПРАТЕНИЧКИ ЛИСТИ НА ВМРО-ДПМНЕ - еве кој ќе се натпреварува за собраниско столче во следниот парламентарен состав

ФАКТОР НА ДЕНОТ: Уапсено е уште едно лице за убиството на лекарот во Железара

ФАКТОР НА ДЕНОТ: Уапсено е уште едно лице за убиството на лекарот во Железара

ДАЛИ БИ ГО ПОСЕТИЛА ГРОБОТ НА ЕНВЕР ХОЏА: Билјана Ванковска даде одговор

ДАЛИ БИ ГО ПОСЕТИЛА ГРОБОТ НА ЕНВЕР ХОЏА: Билјана Ванковска даде одговор

ДУДУШ КАЖА ДЕКА ГО ИЗБРКАЛЕ ОД СДСМ: Го пофали Ахмети и го нарече татко на нацијата

ДУДУШ КАЖА ДЕКА ГО ИЗБРКАЛЕ ОД СДСМ: Го пофали Ахмети и го нарече татко на нацијата

На Бујар Османи му е предложено да се кандидира за генерален секретар на НАТО?

На Бујар Османи му е предложено да се кандидира за генерален секретар на НАТО?

Тошковски: Приведено уште едно лице за убиството на докторот

Тошковски: Приведено уште едно лице за убиството на докторот

Европската комисија бара од Македонија да врати 2,2 милиони евра потрошени за измами од „Еразмус плус“

Европската комисија бара од Македонија да врати 2,2 милиони евра потрошени за измами од „Еразмус плус“