Досие „Роуд Шоу 2012“: Странските инвестиции најниски во последниве 7 години!

Добивај вести на Viber

Со прилив на странски инвестиции од 44,7 милиони евра во декември, 2012 та година заврши со вкупно салдо на директни инвестиции од  104,8 милиони евра. Иако декември малку го подобрува впечатокот, станува јасно дека тоа е премалку за да се каже дека излегуваме од лошиот инвестициски тренд. Трендот на движење на инвестициите укажува на тоа дека лани, во четири месеци е регистриран одлив на странски капитал, при што само во април имало одлив од 40 милиони евра, а во септември речиси 34 милиони евра. Според најновите податоци што ги објави Народната банка, вредноста на вкупните странски инвестиции во 2012-та е на најниско ниво во последните осум години. Пониско салдо од ланското е измерено во 2005 та година кога странските инвестиции изнесувале 77,2 милиони евра. Вредноста на инвестициите во 2012 та година е пониска и од салдото во кризните 2009 та и 2010 та година. Одливот на странски капитал од Народната Банка го објаснија како последица на кризата во која странските компании во земјава се задолжувале кај домашните банки, а потоа кредитите завршувале на сметка на компанијата – мајка во странство. Додека владата ги повикуваше странските компании да запрат со овој процес – дел од нив возвратија дека нема ништо спорно и дека Македонија како земја кога тежнее да биде дел од европскиот финасиски пазар – не може да го ограничува движењето на капиталот. Како причина за отсуството на инвеститорите и владата ја посочуваше финасиската криза во светот и во Европа. Економиситите укажуваа дека кризата е една но не и единствена причина за бавниот влез на инвестиции. Според нив, долгорочно, за инвеститорите пресудни се политичката сабилност, постојаноста на законската регулатива и членството на Македонија во евроатланските интеграции. 2012 та – година на „РОУД ШОУ“ Кризата не ја обесхрабри владата да продолжи онаму, каде што застана во 2011 та година – роуд шоу во нови и во веќе посетени земји. Таргет беа и истокот и западот. Во само една година, Америка беше посетена два пати. Еве дел од посетените дестинации. Можностите за инвестирање во Македонија беа преставени пред стотици фирми од различни сектори и различен формат. Овие патувања беа само продолжение од оние во 2011 та година кога владините тимови беа во Англија, Америка, Јапонија , Сингапур, Австрија, Германија, Холандија, Италија , Франција. Дел од овие патувања завршија со најави за инвестирање, пројавен интерес или склучен меморандум за соработка. Од друга страна, во 2012 та година, во дел од Слободните Економски Зони почнаа да се реализираат претходно договорените инвестициски зделки. Д.А.