16 Јули, 2019
0.0193

ДР. ВАСЕВ: Нема научни докази дека алтернативен лек излекувал болни од канцер

Објавено во: Македонија 12 Јуни, 2019

Се почесто луѓето барајќи спас од болеста на 21 век посегнуваат по алтернативна медицина. Читаат разни информации на интернет, и лесно потпаѓаат под влијание мислејќи дека со алтернација наместо со правилна терапија ќе ја надминат битката со ракот.  Од друга страна онколозите децидни дека канцерот не поминува со алтернативна медицина и дека се манипулира со пациентите. Препорачуваат само лекување со правилна терапија, медицинска со нови иновативни лекови, терапии пропишани по меѓународни протоколи .

Алтернативната медицина која се пласира во јавноста, на интернет не е докажана, односно ако некој лек помага во лечење на било која болест мора да биде докажан во научна студија па дури тогаш да се нуди на пазарот. До овој став се држи и онкологот Нино Васев. Првиот човек на Клиниката за онкологија не препорачува алтернативна медицина.

„Алтернативна медицина без стандарно лечење не препорачувам. Самиот збор алтернативна, значи дека не треба нормална терапија, туку треба алтернација, друга вид на  терапија.  Докажана медицина на сметка на алтернативна - Не!. Сите оние лекови кои се пласираат на интернет а во кои се вбројуваат Варумин, Црна шкорпија, Кубанска вакцина против канцер, не се докажани научно никаде дека помагаат. Јас навистина незнам кој им дозволува  истите да се нудат. Тоа е манипулација со зборови“, потенцира директорот на онкологија.

Како онколог  со 33 години искуство, др. Васев вели дека имал пациенти кои го користеле алтернативниот лек Варумин, но според него тој лек не покажал никаков ефект.Потенцира дека правилни терапии и нови иновативни лекови се единствениот начин кој дава голема сигурност во лечењето на канцерот, посочувајќи дека канцерот треба да биде и навреме откриен, но и поддршката на пациентот од  страна на лекарот и семејството е навистина многу важна во надминувањето на болеста.

„Ниеден алтернативен лек во светот во моментот нема никаков научен доказ , надвор од стандардна онколошка терапија дека делува против канцерот. Тој што има лек мора да го докаже во научна студија“, вели др. Васев.

Според онколозите за разлика од алтернативната медицина, комплементарната медицина, односно додавањето на нешто на стандардното лечење како на пример маслото од канабис  е дозволено од страна на лекар специјалист во текот на лекувањето на пациентите.

Чумата на векот се почесто се победува

Се зголемува бројот на пациенти кои ја надминале болеста на 21 век. Над 20 % од пациентите со рак на дојка успеале со новите иновативни лекови и новите терапии да го победат канцерот на дојка, вели за Фактор  директорот на онкологија, др. Нино Васев.


„Голема е сигурноста на лечење на канцерот само и единствено ако се користат меѓународните протоколи кои ги користиме и кај нас во Македонија и тоа е единствениот начин на лекување.  Новите иновативни лекови и новите терапии. Медицина евидентирана  на докази“, тврди др. Васев додавајќи дека се прават напори да се отвори кабинет на психолог, за поддршката на пациентите, бидејќи луѓето се исплашени, читаат различни дезинформации на интернет и психологот би им бил од голема корист во насочување и советување со алтернативната медицина.

Н.М.

Можеби ќе ве интересира

Со хеликоптер на МВР извлечено е девојче од Селечка Планина

Со хеликоптер на МВР извлечено е девојче од Селечка Планина

Koj е нарачателот од „Рекет“?

Koj е нарачателот од „Рекет“?

Стефанова: Не е точно дека имало претрес во мојот дом, не стравувам за својата иднина

Стефанова: Не е точно дека имало претрес во мојот дом, не стравувам за својата иднина

Притвор за Катица Јанева, побара Мицкоски

Притвор за Катица Јанева, побара Мицкоски

Пратеничката Ванчева Калевска вели дека не смее да има недопирливи на правдата

Пратеничката Ванчева Калевска вели дека не смее да има недопирливи на правдата

Дувњак: Останувам уредник на 1ТВ

Дувњак: Останувам уредник на 1ТВ

Пациентот со вештачко срце една година по операцијата: Жив сум, како нинџа-желка, со ранец на грб кој тежи 7 килограми

Пациентот со вештачко срце една година по операцијата: Жив сум, како нинџа-желка, со ранец на грб кој тежи 7 килограми

Лидер открива кои бизнисмени му платиле на Боки над пет милиони евра

Лидер открива кои бизнисмени му платиле на Боки над пет милиони евра

Мицкоски нема да оди на лидерската средба со Заев

Мицкоски нема да оди на лидерската средба со Заев