Драгана Чифлиганец добитничка на признанието „ДАМА во градежништвото“

Добивај вести на Viber

Извршниот директор на градежната компанија Адора Инженеринг, Драгана Чифлиганец е добитник на признанието „ДАМА во градежништвото“ за посебен придонес во градежништвото и уривање на стереотипите.

Признанието по прв пат се додели на затворањето на Саемот за градежништво и недвижности 2014.

„Мој приоритет е следењето и примената на светските стандарди и иновации во Македонија за квалитетно, сигурно, економично и здраво домување во изградбата на енергетски ефикасните домови“, изјави Чифлиганец по добивањето на признанието.

Таа е потврда за постоењето на цврсти и силни жени во „машкиот градежен бизнис“. Како млада личност, д-р Драгана Чифлиганец ги има поминато сите скалила на развој и практична едукација во високата градба, работејќи вредно, професионално  и посветено во градежната компанија Адора Инженеринг, за што образовно се има едуцирано на реномираниот англиски универзитет Шефилд во Солун, Грција, а докторската титула од областа на управувањето со малите и средни претпријатијата во Македонија, ја стекна на Правниот факултет „Јустинијан Први“ на Универзитетот „Свети Кирил и Методиј“ во Скопје. Инаку, Адора Инженеринг на 4-тиот меѓународен Саем на недвижности и инвестиции REALEXPO 2014, оствари рекордна продажба на станови. „Многу сум задоволен од Саемот на недвижности 2014, на кој штандот на Адора Инженеринг го посетија илјадници посетители. За време на саемот продадовме 14 елитни висококвалитетни станови, а 20 заинтересирани купувачи ги очекуваме да потпишат договор за купување стан наскоро. Им благодарам на сите купувачи и посетители на штандот на Адора Инженеринг за довербата и ветувам дека ќе продолжиме со изградба на сигурни, енергетски ефикасни, долгорочно економични станови и во иднина“, порача проф. д-р Ванчо Чифлиганец, генерален директор на Адора Инженеринг на затворањето на REALEXPO 2014. Купувачите на стан од Адора Инженеринг на Саемот на недвижности 2014  освоија традиционално патување во светската  туристичка атракција Дубаи, низа поволности и пригодни саемски подароци. Заедно со останатите купувачи на стан од Адора Инженеринг во текот на 2014-та, купувачите на стан на саемот влегуваат и во трка за добивање на вредната награда најнов модел автомобил ПОЛО, на  извлекувањето на крајот од годинава.