Драма над Јадранот: Авионот на Николиќ кој летал за Ватикан вратен поради дефект
Објавено во: Балкан 17 Април, 2015
Авионот со кој српскиот претседател Томислав Николиќ летал за Ватикан се вратил во Белград поради дефект на моторот, потврдиле за српски Блиц од кабинетот на претседателот. Посетата на Николиќ во Ватикан поради тоа е откажана.
-Николиќ требало да слета во 9.20ч на римскиот аеродром. Меѓутоа, авионот принудно се вратил на белградскиот аеродром поради дефект на едниот мотор, а посетата на Светата престолнина е откажана за понатаму, додека не се утврдат термини за нова посета, рекле за Блиц.
Моторот на авионот „фалкон 50“ со кој летал претседателот Николиќ престанал да работи над Јадранското море. Леталото кое се наоѓало на висина од 10 000 метри паѓало речиси два километри, но благодарение на искусниот пилот е избегната несреќа.
Денес Томислав Николиќ требаше да започне еднодневна официјална посета на Ватикан.
Пред заминувањето во официјална посета на Ватикан, на повик на папата Фрањо, претседателот Николиќ разговарал вчера со патријархот Иринеј и заминува на пат со негов и благосов на СПЦ.
Николиќ требало да се сретне и со државниот секретат Петро Паролино.