Драмата продолжува, ДИК „абер“ нема од соопштување на расплетот на изборите

Добивај вести на Viber

Државната изборна комисија и натаму е под силен притисок што побрзо да ги соопшти конечните резултати од предвремените парламентарни избори, како и да прецизира која партија колку мандати добила. 

Наместо како што беше првично одлучено прес да се одржи во 19 часот, од ДИК пробија уште еден рок и засега нема можност да ги откријат преброените гласови и распределбата на пратенички мандати по изборни единици. 

Владејачките структури веќе проширија теорија на заговор дека се вршат притисоци, вклучувајќи и од странски амбасадори да се влијае на конечниот исход со цел да им се одземат дополнителните пратеници со кои би имале јасна предност во однос на СДСМ.

Од друга страна пак, постои и голема загриженост кај опозицијата дека нивната изборна победа е осуетена и дека во ДИК се пристигнати фалсификувани извештаи од општинските изборни комисии кои не се поклопуваат со оригиналните записници, па затоа се врши дополнително пребројување на гласовите, а изборниот материјал целосно се прегледува. 

Симптоматично е и тоа што бројот на неважечки ливчиња изнесуваат околу 34.000, а според непотврдени извори од ДИК повеќето биле заокружени со бројот 4. Секако, истата теза кружи и на провладините пропагандни сајтови кои го тврдат спротивното. Едно е сигурно, драмата и тензијата продолжува.