ДРАМАТА ПРОДОЛЖУВА, ОВОЈ ПАТ СЕ ВКЛУЧИ И МЕЏИТИ: Тој ја обвинува Арсовска за дестабилизација, таа му вели „Не се глупирајте!“

Добивај вести на Viber

Првиот заменик-претседател на Владата и министер за животна средина и просторно планирање, Изет Меџити, вчера упати остра критика кон скопската градоначалничка Данела Арсовска, обвинувајќи ја за политичка манипулација и вмешаност во план за дестабилизација преку општините.

Во изјава за медиумите, Меџити најави поднесување кривична пријава против Арсовска, поради — како што рече — „лажните тврдења“ поврзани со еден објект во Чаир, кој таа неодамна го објави на социјалните мрежи.

„Добро што Данела се појави, затоа што четири години не сме ја виделе. Наместо да каже нешто за ветеното, а несработеното во Чаир и Скопје, таа сега глуми инспектор и контролор. Заборава дека јавните претпријатија се пред банкрот и дека ова е најлошото управување со Град Скопје од независноста до денес“, изјави Меџити.

Според него, акцијата на Арсовска е дел од поширок политички план:

„Ова е последниот обид на Ахмети за дестабилизација, овојпат преку Блерим Беџети, Левица и Арсовска како инструмент. Ако зборуваме за дивоградби, тогаш не постои општина во Скопје што ги нема. Добро е што почна од Чаир, но нека продолжи и во Сарај, Шутка – таму се нејзините партнери.“

Меџити го посочи и случајот со синот на шефот на пратеничката група на ДУИ, Блерим Беџети, кој наводно на 17 години има договор за интелектуални услуги во ЈП „Комунална хигиена“.

„Не е случајно што Скопје се дави во ѓубре. Добро е Данела да се фокусира на своите надлежности, а не да се користи како алатка во политички игри“, нагласи министерот.

Оваа изјава доаѓа откако Арсовска објави дека има сомнежи за фалсификувана документација и незаконско градење во Чаир, повикувајќи Јавното обвинителство да постапи итно. Политичката атмосфера продолжува да се заострува, додека новата парламентарна структура добива се појасни контури.

Во подоцнежен коментар на социјалните мрежи, Меџити рече дека Арсовска се обидува да ја дестабилизира државата и тоа во соработка со ДУИ и Али Ахмети.

„Но Арсовска воопшто не е проблем. Проблемот е што откако пропадна планот за рушење на власта со Таравари, сега г. Ахмети се обидува да предизвика дестабилизација преку Данела Арсоска и Левица. Ова е најновата стратегија на Ахмети за дестабилизација на државата, овој пат преку општините, а за жал во соработка со Левица и Данела Арсовска. Жалам за Данела затоа што стана инструмент на ДУИ.“ напиша Меџити.

По тој повод со реакција се огласи и градоначалничката на Скопје, Данела Арсовска.

„Изет изјавил дека ќе сум ја дестабилизирала државата.