ДРУГИТЕ САКААТ ПАСАТИ И ШКОДИ - Рамиз Мерко со најскапо ауди од 66 илјади евра

Добивај вести на Viber

Кога се државни пари, многу полесно се трошат, отколку ако се приватни. 

Тоа го докажале државните институции кои во последните две години изарчиле 8,1 милиони евра народни пари, за купување на 392 нови патнички автомобили. 

До овие податоци преку своето истражување дошол Центарот за граѓански комуникации. 

Една четвртина од набавените нови возила се поскапи од 30.000 евра. Најмногу нови возила набавила владината Служба за општи и заеднички работи, и тоа 46 пасати, од кои секој вредел по 39.000 евра. Сепак, најскапото возило го купила Општина Струга и чинело 66 илјади евра. Просечната вредност на возилата купени од државните институции изнесува 17 илјади евра.

Функционеите најмногу сакаат Шкода и Фолксваген. Безмалку половина од новите возила се од овие производители. Меѓу Флоксвагените омилен е Пасатот е меѓу Шкодите Октавијата. 

„Конкуренцијата на тендерите за набавка на нови возила речиси и да не постоела. Дури на 71 отсто од тендерите имало само по една понуда и покрај големиот број дистрибутери на нови возила во земјава. Ова го отвора сомнежот дека државните институции доминантно си купувале такво возило какво што сакале“, се наведува во соопштението на Центарот за граѓански комуникации.