Државни пари за 28 филмски проекти

Добивај вести на Viber

За тековната 2013 година Филмскиот Фонд на Република Македонија најави дека ќе финансира 28 филмски проекти од национален интерес. Според програмата, поддршка ќе добијата седум долгометражни, три малцински и осум краткометражни играни филмови, како и седум документарни и три кратки анимирани филмови.

Како што информираше денеска директорот на Фондот Дарко Башески, годинава имало исклучително квалитетен број пријавени проекти на конкурсот за филмска продукција за 2013 година.

„Покрај филмовите ќе бидат поддржани и сите промотивни активности на Фондот, ќе биде завршена и дигитализацијата на кино салите и дигитални проектори за двата големи фестивали „Браќа Манаки“ во Битола и „Синедејс“ во Скопје, најави Башески. Филови што ќе добијат пари од Филмскиот Фонд на Република Македонија

1. Анимираните филмови : „Кружно патување на Марето“ во режија на Жарко Иванов, „ХО“ на Иван Ивановски и „Момчето со скинатата чорапа во десната рака“ од Теона и Вук Митевски.

2. Документарните филмови: „Батко Ѓорѓија патува за Баграм“ во режија на Фросина Наумовска, „Музиката и езерото“ на Бесфорт Имами, „Последен отпор на странецот“ на Арбен Тачи, „Детето и светот“ на Гоце Цветановски, „Патот на локумот“ на Елизабета Конеска, „Зошто Јас“ на Сенад Абдули и „Мојот превртен свет“ на Петра Селишкар. 3. Краткометражни филмови:  „Долу од рајот“ на режисерот Саша Станишиќ, „Правила на уметноста“ на Сабедин Селмани, „Колор Негатив“ на Марија Апчевска, „Вампир“ на Игор Алексов, „Заседа“ на Филип Матевски, „Кукавици“ на Небојша Јовановиќ, „Кај изворот“ на Сабидин Али и „Гиза ЗОО“ во режија на Ахмед Гонеими.

4. Долгометражни играни филмови; „Аферата Мис Стон“ на Дарко Митревски и „Слобода или смрт“ на Владимир Блажевски, како и дебитантските „Крани“ на Ѓорче Ставревски „Земја на праските“ на Јане Ќортошев   „Безимени“ на Вардан Тозија, и „Незаборавена пролет во заборавено село“ на Осман Демири и Куштрим Бектеши. Со мали средства, ќе биде до поддржан и филмскиот проект „Балканот не е мртов“ на Александар Поповски за завршување на постпродукција.

5. Малцински копродукциски проекти:  „Жената на мојот живот“ на режисерот Антониј Дончев од Бугарија, „Мирни луѓе“ на Огнен Свиличиќ од Хрватска и „Инферно“ на Винко Модерндорфер од Словенија.