ДВА СТАНА И НАД 100.000 ЕВРА НА СМЕТКА: Конечно објавен имотниот лист на министерот Тупанчески

Добивај вести на Viber

Конечно излезе податокот за имотната состојба на министерот за правда Никола Тупанчески. Неговиот и имотниот лист на вицепремиерката задолжена за политики за добро владеење Славица Грковска и по четири месеци од изборот до скоро не беа објавени на интернет страницата на Државната комисија за спречување на корупцијата. Сега на Тупанчески е јавен, но не и на Грковска. Од она што се гледа од листот на министерот кој стана актуелен по патувањето во Палермо каде играше македонската фудбалска репрезентација, се заклучува дека тој има поголеми заштеди, но и два стана во главниот град.

Имено Тупанчески пријавил дека тој како личен имот има еден стан од 72 квадрати во Скопје и уште еден во главниот град од 98 метри квадратни. Помалиот вредел 6,2 милиони, а поголемиот 9,3 милиони денари. Од недвижен имот Тупанчески има и две гаражи, додека од подвижен поседува еден мопед веспа и едно возило мерцедес кое вреди 900.000 денари односно над 14 илјади евра.

Како имот од брачен другар е наведено едно возило голф од 600.000 денари и дополнително девизен депозит од 10.000 евра и еден сеф со 90.000 денари. Сопругата има и приходи од акции и дивиденди. Самиот Тупанчески пак има девизен депозит од над 98 илјади евра, а на девизната сметка навел дека има речиси 14.000 евра.

Министерот за правда Никола Тупанчески, станаактуелен по неговото патување во Палермо, каде ја бодреше нашата репрезентација. Тој признадека не ја платил картата за чартер летот и влезот на стадионот. Фактурата за аранжманот, пак, односно сместувањето ја платил откако целата јавност го виде на трибините, по четири дена од одржувањето на натпреварот.

И покрај ова признание, тој и натаму тврди дека не го прекршил етичкиот кодекс во кој има ограничувања до која вредност може да се примаат подароци, но и под кои услови.

А.Т.