Џефри Пјат: Американски течен гас што побргу низ Северна Македонија

Добивај вести на Viber

Амбасадорот на САД во Грција, Џефри Пјат, во интервју за „К“ вчера уште еднаш потврди дека стратешки интерес на неговата земја е што побргу низ Северна Македонија да протече американски течен гас од шкрилци преку пристаништето во Александрополис.

„ДФЦ има јасен мандат да работи во Западен Балкан, и затоа Александрополис е толку важен. Бидејќи проектите таму се поврзани со работи како што се меѓусебно поврзување на природниот гас со Северна Македонија и изгледите за транспорт на гас во Србија, " наведе Пјат..

Меѓусебниот договор за одбрана меѓу Грција и САД предвидува делумна употреба на инфраструктурата на пристаништето од страна на американските сили. Соединетите држави се заинтересирани за пристаништето Александрополис од енергетски и воени причини, особено по приватизацијата на пристанишната администрација во Солун. Тракиското пристаниште нуди пристап до море, пат, железница и воздух. Сместено е во точка што сега е директно поврзано со Егнација Одос – автопатот што поминува низ Северна Грција – и железничката пруга кон Солун и до границите со Турција и Бугарија. Исто така, близу е до Трансатлантскиот гасовод (ТАП) и трасата на Интерконекторот Грција-Бугарија (ИГБ), и двете ќе носат природен гас по завршувањето.

„Американскиот гас од шкрилци ќе стигне до Александрополис, за да замине, преку вертикалниот гасовод ИГБ, кон Балканот и Централна и Северна Европа. Во Родоп се гради огромна фабрика за гас со американски средства. Пристаништето Александрополис е дизајнирано да го заобиколи Босфорскиот теснец“, додаде Пјат.