Единствениот Nexus 4 од денес во ВИП

Добивај вести на Viber

Најновиот модел на престижната серија на паметни телефони Nexus 4 веќе е достапен и на македонскиот пазар, објави Вип операторот во соработка со LG Electronics и Google. Најновиот Nexus мобилен телефон ги комбинира елегантниот дизајн и супериорен хардвер од LG Electronics, со најновата верзија на оперативниот систем Android 4.2, Jelly Bean и одличните можности кои ги нуди Google Apps, беше истакнато на денешната презентација. -Среќен сум што токму Вип има ексклузивна можност да ја дополни својата понуда на најсовремени мобилни уреди со најновиот супериорен уред ЛГ Nexus 4, кој веќе е вистински хит, меѓу корисниците ширум светот. Со ова уште еднаш ја потврдивме нашата трајна определба да им ги направиме достапни на нашите корисници најнапредните светски технолошки решенија“, рече Џакомо Тоњони, Главен маркетинг директор на Вип. Тој информираше дека новиот телефон веќе е достапен во салоните на Вип за 0 денари со бизнис тарифата No Limit. Управниот директор на LG Electronics Magyar Kft истакна дека пазарот на смарт телефони во светот и во Македонија е во постојан подем, а со влезот на Nexus 4 LG потврдува дека му посветува големо внимание на македонскиот пазар. -За на беше важно де само да го направи најбрзиот и најбогатиот со карактеристики паметен телефон, туку да создадеме апарат кој предизвикува радост и задоволство при користењето“, рече Ли. Тој изрази уверување  дека корисниците во Македонија ќе бидат воодушевени од, како што рече, совршената избалансирана комбинација на формата и функционалноста на најновата генерација на оперативниот систем Android. Nexus 4, меѓу другото, поседува 8MP камера со високи перформанси, која може да го опфати секој детал од околината. Со овој телефон може да се сликаат фотографии во сите правци, кои заедно создаваат сферна слика. Телефонот содржи процесор, кој овозможува високи брзини и голема можност. Сурфањето на интернетот, богатата 3Д графика и игри, се овозможени со едноставно преминување од една друга апликација. Nexus 4 доаѓа заедно со најновите Google апликации, обединувајќи го најдоброто од Google на дланка на корисниците.