ЕДНА ГАЛИЈА ВО ВАРДАР ИЗГОРЕ: Нема повредени, се истражува дали пожарот е подметнат
Објавено во: Македонија 19 Март, 2023
Во една од
скопските атракции, Галиите во Вардар, избувнал пожар. Како што пренесува
Макфакс, инцидентот се случил рано утринава, само неколку минути пред 4.00
часот.
Министерството за внатрешни работи информира дека утрово во 03.57 часот било пријавено дека на подрачјето на Центар настанал пожар на објект – брод, сопственост на Град Скопје.
Интервенирала единица на противпожарната бригада по што за кратко време пожарот бил изгаснат.
За среќа нема повредени лица, а инцидентот ќе се истражува со цел да се утврдат причините за пожарот и евентуално дали е подметнат.
ФОТО: МИА (архива)