Една жена промени само една навика и заштеди пари: „Тоа што изгледаше како ситница, ми го јадеше буџетот“
Објавено во: Финансии 26 Декември, 2022
Во услови на криза едното го „влече“ друото, во тоа нема дилема. Сè поскапе, вклучително и услугите
во кафулињата и рестораните. Во
споредба со минатата година се‘ е поскапено, па дури и кафето.
Една жена од Белград, за медиум во соседството истакна дека и самата „наеднаш“ сфатила што упорно и го „јаде“ буџетот, малку по малку, без претходно да биде доволно свесна за тоа.
- За едно кафе на работа плаќам 180 динари (90 денари), а често земам уште едно кафе за пат кон дома, што е 190 динари. Значи, тоа се 370 динари (185 денари) што ги давав секој ден, некако лесно, со оглед на тоа дека помалку од 200 динари (100 денари) за едно кафе не се ништо. И навистина, кога ќе погледнете, колку вредат се 100 денари денес?! Но, тоа се само две кафиња, ниту оброк, ништо конкретно – вели М.Т.
Таа вели дека тоа е нејзината воспоставена рутина во работните денови, од кои во просек има 22 месечно. Кога помножила 370 динари со 22 дена, добила бројка од 8.140 динари (4.070 денари).
- Во исто време, дури и кога ќе дојде викенд, најчесто одам на кафе со некого, после на ручек итн. Секако, не го сметам за „непотребен трошок“, бидејќи е задоволство. Но, сите останати денови морав да се „закочам“. Едноставно си купив пакетче кафе, млеко и што друго ми требаше, сама си подготвувам кафе на работа и заштедив многу пари – додава таа.
Таа смета дека кафето не може да чини повеќе од 20-30 динари (10-15 денари) во кафулињата, а наплатата е 10 пати повеќе, што може да биде голем проблем доколку планирате да заштедите и да го контролирате домашниот буџет.
Фото: freepik
Извор: блиц