СЕКОЈ ТРЕТ НЕДВИЖЕН ИМОТ ВО ХРВАТСКА ГО КУПУВА СТРАНЕЦ: Еве ги најскапите квадрати на Јадранот

Добивај вести на Viber

Уделот на странците во купувањето недвижен имот во Хрватска пред пандемијата на корона вирусот беше 20 отсто, а сега е двојно зголемен на 40 отсто, изјави хрватскиот експерт за недвижности и сопственик на агенција Бранко Папеш како дел од дискусијата на Хрватската државна телевизија ( ХРТ).

Тој изјави дека најскап град за купување недвижен имот во Хрватска во моментов е Задар, бидејќи купувачите треба да работат 17,9 години за да го искористат својот приход за да купат просечен недвижен имот во тој град.

Ако сакате недвижен имот во Дубровник, треба да работите 16,9 години, пренесува ХРТ.

Како што додава Папес, слична ситуација владее и во другите европски земји, бидејќи за стан од 100 квадратни метри во Минхен се потребни 15 години, а за стан во Рим 15,7 години.

Лана Михаљинец Кнежевиќ, член на Претседателството за бизнис со недвижности при Хрватската стопанска комора, додаде дека странските граѓани купуваат недвижен имот во Хрватска како инвестиција, бидејќи земјата е атрактивна туристичка дестинација која на сопствениците на недвижности им обезбедува големи приходи од наемнини.

Таа наведува дека се повеќе млади луѓе во Хрватска не можат да си дозволат недвижен имот, ниту пак локалното население кое живее на популарни дестинации.

Има голема побарувачка за станови, но нема понуди за граѓани со просечни примања, заклучи Михаљинец Кнежевиќ.