ЕФТ Македонија истргува најмногу струја во октомври

Добивај вести на Viber

Дури половина од електричната енергија истргувана во Македонија во октомври му се припишува на трговецот ЕФТ Македонија. Последните податоци од МЕПСО покажуваат дека во октомври 49.17% од истргуваната струја ја направи токму оваа компанија. Втор најголем трговец со струја во октомври е ГЕН-И кој од колачот зазема 39.49%. Значително помала истргувана струја имаат ЕВН Трејдинг (6.89%), Руденап (3.27%), Корлеа (0.61%), ЕЛЕМ Трејдинг (0.50%) и Роу и Рифајнд комодитис (0.08%). ЕФТ Македонија се јавува и како најголем трговец со струја на македонскиот пазар и за првите 10 месеци од годината, со истргувани 40.74% од вкупно увезената струја во земјава. Втор најголем трговец за периодот јануари-октомври годинава е повторно ГЕН-И со 32.22%, покажуваат податоците на државниот електропреносен систем оператор МЕПСО. За колкави количини на истргувана струја се работи МЕПСО не нуди податоци. Нема информации ниту колкав прилив на девизи значи овој увоз на струја.