Добивај вести на Viber
На владата на Италија може да и биде наложено да преземе нов круг за штедење во 2013 година, предупредува Европската комисија (ЕК) во извештај кој го пренесува италијанскиот весник „La Stampa“.
Според Брисел, кабинетот на италијанскиот премиер Марио Монти преземал сериозен ризик, откако одлучи ДДВ-то да го покачи за 1%, наместо со планираните 2% и го намали данокот на најниски примања, иако земјата треба цврсто да се држи до програмата на владата за структурни и фискални реформи.
И покрај предупредувањето, ЕК сепак се надева дека Италија ќе успее да ги постигне буџетските цели за 2013-та и без допонителните приходи од поскапото ДДВ, стои во извештајот на институцијата.
Претставници на италијанската влада ќе се сретнат со претставници на Европската комисија, на која ќе биде направена проценка на спроведувањето на препораките кои ЕУ ги упати кон Рим крајот на јуни оваа година.