ЕК: Јужен поток да се суспендира

Добивај вести на Viber

Европската комисија одлучи работата на изградбата на Јужен поток на територијата нa ЕУ да ја суспендира додeка не се ревидентираат билатералните договори кои Русија ги склучила со земјите членки.

Исто така, Бугарија ризикува тужба ако не се согласи на тоа, изјави денеска Сабина Бергер, портпаролка на комесарот за енергија Гинтер Етингер.

„Нашиот став е јасен: Јужен поток не е во согласност со Третиот енергетски пакет и со европските правила за конкуренција, внатрешниот пазар и јавните набавки“, им рече Бергер на новинарите во Брисел.

Од Комисијата е најавено дека од Бугарија формално е побарана информација за почетокот на изградбата на гасоводот во Црното море, што е прв чекор кон поднесување на пријава на Европскиот суд во Стразбур.

Бугарија пак тврди дека со тоа не ги нарушува правилата на ЕУ, бидејќи работите се извршуваат во меѓународни води, но Комисијата завземала спротивен став.

„Сите инфраструктурни проекти и инвестиции мораат да бидат во согласност со законите“, додава Бергер.

Доколку Европскиот суд ја добие тужбата и пресуди во корист на Комисијата, Бугарија ќе мора да ги прекине работите на изградбата на Јужниот поток или да се соочи со тешки финансиски казни.

Бергер потсетува дека ЕК ги превземала преговорите со Русија за овој проблем и дека во почетокот на оваа година се одржани две рунди разговори со Русија на ниво на работни група, но тие засега се замрзнати.

„Инсистирањето на Русија, Јужен поток да не го применува Третиот енергетски пакет го доведува во прашање продолжението на разговорот“, порача Бергер.“