ЕК не е задоволна од напредокот во преговорите со Грција
Објавено во: Балкан, Економија 17 Април, 2015
Европската комисија објави дека не е задоволна од напредокот на преговорите меѓу Грција и меѓународните кредитори.
Портпаролот на Комисијата Маргаритис Схинас истакнал дека е потребно интензивирање на преговорите пред средбата на министрите за финансии од еврозоната следната недела.
„Ја продолжуваме работата со останатите институции и грчките власти. Преговорите продолжуваат, но во овој момент не сме задоволни од постигнатиот напредок“, изјави портпаролот на ЕК.
Брисел инсистира за склучување на договор на работно ниво меѓу Европската комисија, ММФ, ЕЦБ и Грција во следните неколку дена.
Сеуште не се расчистени несогласувањата за прашања како што е пазарот на трудот, пензиските реформи, зголемување на данокот на додадена вредност (ДДВ) и приватизацијата.