ЕКС ЈУГОСЛАВИЈА ТАГУВА: Сите ги натажи веста за смртта на легендарниот глумец Николиќ

Добивај вести на Viber

Речиси сите медиуми во регионот ја пренесоа вест за смртта на славниот глумец Драган Николиќ како и голем број на коментари со кои се опростуваат од легендата и го величаат.

„Одличен човек, одличен забавувач. Нека му е вечна слава“, „Ќе живееш вечно во нашите срца и со гордост ќе се сеќаваме на тебе“ ,

„Нека ти е лесна земјата човеќе од плејадата на чесните. Исчезнуваат чесните и нема кој да ги замени“, се само дел од коментарите упатени за последен поздрав од глумецот кој ја забавуваше цела поранешна Југославија.

Еден од најголемите и најсакани глумци од просторот на екс Ју Драган Николиќ починал утрово во 72 година од животот, соопштија српските медиуми.

Тој бил опериран во февруари 2015 година на Клиниката за дигестивни болести на Клиничкиот центар во Белград. Во мај состојбата му се влошила и е примен на Клиниката во тешка состојба, но лекарите успале да го спасат.

Роден е на 20 август  1943 година во Белград.

Со својата единствена глумечка игра, привидно без напор, со голема сугестивности и неповторлив духовен шарм им вдахна живот на култните антихерои меѓу кои се Џими Барк, легендарниот Флојд, неодоливо симпатичниот Прле, шармерот Попај, градскиот витез ...

Николиќ е глумец без кој, после повеќе од стотина брилијантно одиграни улоги, во кои покажал дека во неговиот изразен регистар има место и за непознати национални јунаци, романтични заводници со граѓанско или полуграѓанско педигре, ликови со сомнителен врв и несомнително социјално дно, не може ни да се замисли српската филмска и театарска уметност.