ВЛАДАТА СЕ ЗАДОЛЖУВА НА СИТЕ СТРАНИ - од Шпаркасе банка зема краткорочен кредит од 50 милиони евра, а издаде и тешка државна обврзница
Објавено во: Финансии 30 Август, 2022 12:16
Владата се задолжува буквално на сите страни. Бара пари на заем и од конкретни домашни банки, но и преку домашни институционални инвеститори, преку издавање на државни обврзници.
Фактор открива дека Владата веќе донела одлука на неодамнешна седница да земе краткорочен кредит од една од домашните банки, на сума од 50 милиони евра.
Додека, пак, на домашниот пазар веќе е издадена 15 годишна обврзница на сума од над 25 милиони евра, што значи дека ќе се враќа во следните 15 години, и таа од денеска котира на македонската берза.
Инаку, одлуката да се бара краткорочен кредит од Шпаркасе банка на сума од 50 милиони евра била донесена на седница на Влада пред неколку дена, конкретно на 24 август.
Со овие пари, веќе не е ни тајна, Владата навела дека ќе го финансира буџетскиот дефицит на земјава.
Инаку, државата досега потроши многу средства за справување со енергетската криза во земјава, и тоа за набавка на струја, јаглен, мазут, а со оглед колку страшно се движат состојбите на светскиот пазар, и со цените на енергенсите, но и со големиот недостиг, потребните пари во буџетот за оваа намена ќе бидат уште повисоки.
„Република Северна Македонија се задолжува со краткорочен кредит во вкупен износ до 50.000.000 евра во денарска противвредност по среден курс на Народна банка на денот на плаќањето, кај Шпаркасе банка АД Скопје. Краткорочниот кредит ќе се користи за финансирање на буџетскиот дефицит на Република Северна Македонија“, се вели во владината Одлука до која дојде Фактор.
Натаму, како што се додава, условите и начинот на користење на краткорочниот кредит се утврдуваат во Договорот за краткорочен кредит, кој ќе се склучи помеѓу Министерството за финансии и Шпаркасе банка.
Не се наведува ниту каматната стапка, ниту другите услови под кои ќе биде земен кредитот.
Во меѓувреме, Берзата извести дека веќе од денеска, на Официјалниот пазар на подсегментот Берзанска котација, ќе бидат примени на котација нови државни обврзници, откако тоа се случи веќе неколку пати досега. Новите државни обврзници, како што информираат од Берзата, се со девизна клаузула.
Вредноста на емисијата е точно 1.566.990.000 денари, односно 25,5 милиони евра. Оваа сума е многу повисока од оние по кои во последниве неколку наврати Владата издаваше државни обврзници.
Овие обврзници биле издадени на 18 август годинава, а датумот на достасување им е во 2037 година. Нивната каматна стапка ќе биде 4 отсто.
Како што веќе пишуваше Фактор, на аукциите одржани на трети август годинава државата се задолжила на домашниот пазар за вкупна сума од 12,5 милиопни евра, по камати од 4,2 и 4 проценти.
Претходно, пак, државата издаде обврзници по камати од 3,7 и 3,5 проценти, додека, пак, неколку месеци пред тоа каматите по кои се издаваа државните обврзници изнесуваа 3,1 отсто.
Нина Нинеска-Фиданоска
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
„Од почетокот на годинава наплативме приходи од 1,95 милијарди евра“: Николовски објави дека бележат раст во сите сектори
РОДИМЕ МАЈКО СО КСМЕТ И ВРАБОТИМЕ ВО АГЕНЦИЈА – „регулираат“ железнички сектор и имаат вртоглави плати
СТАН ВО НЕА ПОТИДЕЈА - ХАЛКИДИКИ ЗА 49 ИЛЈАДИ ЕВРА! Има поглед на море и големина од 60 метри квадратни
Експерт од Microsoft се сели во Apple – Ова е новиот раководител на вештачката интелигенција
Фриленсери, издавачи на станови преку платформи, добивка од криптовалути - секој прилив од странство мора да се пријави
АКО СИТЕ ДЕНЕС НАПРАВАТ ПРЕКРШОК ОД 45 ЕВРА, ЗА 65 ИЛЈАДИ ВОЗИЛА, МВР ЌЕ ИНКАСИРА БЛИЗУ 3 МИЛИОНИ ЕВРА: Еве што вели пресметката
ПЕНЗИОНЕРИТЕ ПРЕД УСТАВЕН ГО ИЗРАЗИЈА РЕВОЛТОТ: „Се бориме за корка леб и лекови“
КОЛКУ ЌЕ ВЕ ЧИНАТ ДОБРИ И КВАЛИТЕТНИ ЗИМСКИ ГУМИ? Внимавајте на овие грешки при нивно купување
Новогодишните елки поскапени – најмногу барани моделите до 2 метри
