ЕЛЕКТРОНСКИ ЌЕ СЕ ЧИТА QR-КОДОТ НА КОВИД СЕРТИФИКАТИТЕ: Здравствените власти бараат да се засили контролата
Објавено во: Македонија 17 Ноември, 2021
Министерот за здравство, Венко Филипче нагласи дека ќе инсистираат да се
засили контролата на ковид сертификатите, особено по укажувањата од страна на
јавноста дека илјадници граѓани поседуваат лажни, односно фалсификувани сертификати.
-Бараме да се ажурура процесот за спроведување на контрола на здравствените сертификати, од страна на сите инспекторати и Министерството за внатрешни работи. Имаме електронски алатки, не се само хартиените сертификати. Европските сертификати може да се симнат на мобилните телефони. Има апликација којашто го прикажува вистинскиот QR код и има апликација која ја контролира неговата валидност. Ова значи дека се елиминира можноста да имаме фалсификувани сертификати. Тие две апликации се MK Wallet и MK Verifier кои ги има и на Google Play и на Apple. Ова е мерка со којашто очекуваме значајно да се зголеми опфатот со вакцинацијата, изјави министерот Филипче.
По оној мини пик кој го имавмe во претходниот период, како што рече Филипче, сега ситуацијата е малку спласната, но неопходноста од вакви мерки е огромна.
-Пред нас е зимски период, сезона на грипови, настинки...има пациенти кои заболуваат и од други сериозни болести. Мора да мислиме и на нив, не може да се занимаваме само на ковид и да отвараме само ковид центри. Болниците мора да работат и за другите пациенти со други болести. Затоа сметам дека опфатот на вакцинација ќе се зголеми со ваквата мерка, дека ќе се намали бројот на заразените, бидејќи во овој момент ковид болниците ги опотоваруваат невакцинираните пациенти во најголем процент, близу 80 отсто, истакна министерот за здравство.
А.Б.Можеби ќе ве интересира
ЛЕТОЦИ ВО ЧАИР: Пишува „Ако си муслиман, не гласај“
ВАЖНО ЗА ГРАЃАНИТЕ: Лични документи можат да се подигнат и утре
ТАМУ БИЛ ИЗБОРНИОТ МАТЕРИЈАЛ: Неколку мажи се обиделе да ја отворат предната врата и капијата од објект во општина Чаир
НАШИОТ АМБАСАДОР НЕ ПРИСУСТВУВАШЕ НА ЦЕРЕМОНИЈАТА: И Македонија ја бојкотираше инаугурацијата на Путин
УРИВАМЕ „ЦРНИ“ РЕКОРДИ: Два македонски градови се на листата најзагадени во Европа
НА ДЕН ВЕЛИГДЕН, КЕДЕВ ОСВОИ УШТЕ ЕДЕН ВРВ - го „победи“ Макалу, петтиот највисок врв во светот
БОКИ 13 ЗАВРШИ ВО СТАНИЦА: „Замислете, ме пријавил дека сум му ја загрозил безбедноста и дека сум го демнел“
ЗАЧЕСТИЈА НАПАДИТЕ ОД МАЛОЛЕТНИЦИ - четири лица уапсени, ограбиле други малолентици, ќе следи пријава
ДЕТАЛИ: Возач на „ауди“ од Сарај преполови автомобил во Влае, жена се бори за живот
