ЕПЛ го продаде милијардитиот iPhone
Објавено во: Мои пари 26 Јули, 2016
Аналитичарите од Волстрит пресметаа дека Епл веројатно во понделникот го продал својот милијардити „ајфон“.
Нивната математика отприлика е ваква: Од 29 јуни 2007 година до март 2016, Епл продал 948 милиони ајфони. Тоа значи дека му останало да продаде 52 милиони телефони во последните 4 месеци како би достигнал милијарда. Што Епл, според пресметките на аналитичарите и го направил. Се чекаат официјални податоци на компанијата.
Дотогаш, медиумите пренесуваат дека ЕПЛ сепак би можел да забележи втор квартал во кој продажбата на ајфони паднала во однос на минатата година.
Се очекува компанијата да објави 42, 11 милијарди долари приходи и заработка по акции од 1,38 долари. Овој период од годината никогаш не бил добар за Епл, но се стравува дека резултатите оваа година би можеле да бидат полоши отколку вообичаено.