ЕВЕ КАДЕ СЕ НАЈНИСКИ СТАМБЕНИТЕ КРЕДИТИ, ОВА СЕ СЛУЧУВА ЗА ПРВ ПАТ ВО ИСТОРИЈАТА: Убава вест за сите што сакаат да купат стан

Добивај вести на Viber

Наглото зголемување на цените на недвижностите во Хрватска не е новост, но изненадува тоа што за прв пат во историјата банките во Хрватска во просек нудат поевтини кредити од банките во Германија. Пониски се каматите на кредитите за купување недвижен имот, а уште поизненадувачки е што каматите за дел од кредитите на бизнис секторот се пониски и во Хрватска, пишува Индекс.

Тврдењето пред неколку години дека задолжувањето од банките во Хрватска би било поевтино отколку во Германија и во повеќето земји од еврозоната, би предизвикало чудење, па дури и смеа. Но, сепак, се оствари, пишува порталот.

Иако во јануари 2016 година просечната каматна стапка на станбените кредити во Хрватска беше за 3,7 процентни поени повисока отколку во Германија (5,67 отсто камата во Хрватска, 1,97 отсто во Германија), сега е сосема поинаку поради наглиот пораст на каматните стапки на кредитите за недвижности во Германија и тоа од првата половина на минатата година.

Според податоците на Европската централна банка (ЕЦБ), просечната каматна стапка на станбените кредити во април годинава за Хрватска била 2,99 отсто. Ова не само што е пониско од просекот на еврозоната (3,48 отсто), туку и пониско од земјите како Италија (4,17 отсто), Германија (3,93 отсто) и Австрија (3,83 отсто). Всушност, каматните стапки на заемите за недвижнини се само пониски во Малта (2,25 проценти) и во Франција (262 проценти).